caro -ra
(< lat caru)
-
adx
-
Que ten un prezo elevado. Na tradición oral recóllense ditos como: “O caro é ás veces barato, e o barato adoita saír caro. Non hai cousa tan cara como a que con rogos se acada. O bo nunca é caro, e éo sempre o malo.” OBS: Cos verbos comprar, vender, custar, cobrar e outros pódese producir a transcategorización deste adxectivo a adverbio baixo a forma masculina singular.
Ex: Comprou un coche caro que lle consome moito. O cava é unha bebida cara. Nesa tenda venden moi caro.
-
Aplícase a un lugar onde a vida resulta cara.
Ex: Viven nunha cidade cara.
-
-
adx
Que ten un prezo que sobrepasa o xusto e razoable.
Ex: Non puiden comprar ese terreo porque nese prezo era caro.
-
adx
Que se obtivo con dificultades e desgustos.
Ex: O proxecto foi caro de rematar.
-
adx
Que se ten en grande estima.
Ex: Meu caro amigo, canto tempo sen verte!, Caras ilusións as dos tempos pasados!