carozo

(< lat v carudĭu < grκάρυον ‘noz’)

s m
Parte interior que queda da espiga do millo logo de quitarlle os grans.

Ex: Bota algún carozo máis no lume para avivalo.
Sinónimos: cadolo, cadrozo, canoto, carocho, carolo.
s m
Corazón das froitas que non teñen carabuña.

Ex: Tiroulles o carozo da pera ás galiñas.
Sinónimos: cadolo, cadrozo, canoto, carolo.
s m
Corazón da pataca ou parte que queda dela despois de lle sacar os anacos con ollos para a sementeira.

Ex: Déronlles os carozos ás vacas.
Sinónimos: carón.
s m
Talo dunha hortaliza.

Ex: Leva toda a tarde na horta recollendo carozos.
Confrontacións: coeiro.
s m
Tea moi fina que envolve os grans da granada.
s m
Furuncho no pescozo.
s m
Substancia dura que se vai formando nos buratos das orellas por non se teren empregado os pendentes.
bicho carozo [ANIMAL/ENTOM]
Denominación popular que reciben as larvas e as femias ápteras dos vagalumes que, por ser alongadas, cos segmentos abdominais moi marcados e de cor castaña amarelenta, semellan un pequeno carozo.

Frases feitas