Casa de Galicia

Publicación en castelán fundada en Montevideo en decembro de 1991. A sociedade editora deste boletín é a Casa de Galicia de Montevideo. O sumario do primeiro número estaba dividido en: “Definición”, “Objetivos”, “Plantas Físicas”, “Masa Social”, “Actividades Asistenciales”, “Actividades Socioculturales”, “Recursos Humanos”, “Financiamiento”, “Proyectos de Desarrollo” e “Apreciación Final”. No tocante ao contido, informa sobre as actividades que realiza a institución, a evolución do número de socios, os servicios médicos que ofrece, os medios materiais cos que conta, os edificios, etc. Intercala fotografías institucionais dos edificios e dos servicios da entidade e varios gráficos que reflicten a súa evolución.