Casimiro

Prenome de orixe eslava que procede da forma Kazimierz ‘grande no mando’, logo alterada en Kazimir ‘que destrúe a paz’. Na fin do s XVIII espallouse por todo o Occidente coa forma latinizada Casimirus. Houbo dous santos polacos de familia real que levaron este nome: san Casimiro (1458-1484), gran duque de Lituania, que se celebra o 4 de marzo, e san Casimiro (1609-?), patrón de Polonia e dos xastres.