Cassatt, Mary

Pintora estadounidense. Estudiou pintura na Academia de Belas Artes de Pennsylvania, en Philadelphia. Estableceuse en París en 1870 e, desde 1879, introduciuse (a través de Degas) no grupo dos impresionistas, cos que expuxo neste ano e, novamente, en 1880, 1881 e 1886. Combinou a augaforte e a técnica da punta seca nas súas estampas, influída pola xilografía xaponesa. En 1914 abandonou a pintura por mor dos problemas de visión que padecía. Entre as súas obras destacan O palco (1882?), Muller na mesa do té (1885) e Paseo en barca (1893). En 1904 foi galardoada coa Lexión de Honra.

Cronoloxía