Castro Ruz, Raúl

Político e militar cubano. Participou co seu irmán Fidel no asalto ao cuartel de Moncada, polo que foi capturado e condenado a trece anos de prisión. Tras ser amnistiado, exiliouse en México. Desde 1956 participou na loita de guerrillas en Sierra Maestra e tralo triunfo da revolución cubana, foi nomeado ministro das Forzas Armadas Revolucionarias en 1959. Accedeu ao cargo de vicepresidente do Consello de Ministros e segundo secretario xeral do Partido Comunista Cubano en 1976. Desde o ano 1980, desempeñou tarefas de supervisión con Fidel nos ministerios de Defensa, Interior, Cultura e Saúde Pública.

Cronoloxía