Catrapola, A

Boletín do Centro Galego de Bizkaia en Barakaldo, que se edita anualmente en galego dende 1989. Inclúe asuntos de interese para a colonia galega, como convocatorias de premios, concursos, campamentos de verán e voluntariado social. Da mesma maneira, expón traballos orientados a ampliar os coñecementos sobre Galicia e a súa historia, que se completan con colaboracións literarias. O índice estrutúrase en diversos apartados: “Editorial”, “Información Xeral”, “Coñecendo o noso”, “Tema central”, “Poema”, “Historia de Galiza”, “Colaboracións” e “Humor”. Entre os redactores figuraban Toño Álvarez, Txelu Piñeiro, Txema Vázquez e Alberte Sanmartín. Está ilustrado principalmente con fotografías e debuxos de elementos artísticos galegos e con mapas.