Cedofeita, pazo de
Cedofeita, pazo de
Conxunto arquitectónico situado na parroquia de Cedofeita (Ribadeo), tamén coñecido como Casa Grande. Relacionado coa familia dos García Cedofeita desde o s XVI, constitúe un edificio de planta rectangular con muros de cachotería, rematado nunha torre de dous andares, cunha amea nun dos extremos. No interior do recinto amurallado existe unha pequena capela dedicada á Virxe da Soidade que acolle un retablo de 1785.