Celas, torre de

Situada no concello de Culleredo, é a torre da homenaxe do antigo castelo que construíu Martiño de Becerra no último terzo do s XIV. Ten planta cadrada e muros de cantería de máis de 12 m de altura. Despois das Revoltas Irmandiñas pasou a mans dos Andrade, polo que os brasóns que aínda conserva representan as armas desta familia e as dos Freijomil. Propiedade do concello de Culleredo, rehabilitouse como museo etnográfico. Foi declarada Ben de Interese Cultural en 1994.