¹ cella

1. s f

   Parte superior da órbita de cada un dos ollos cuberta de pelos.

   Ex: Deu un golpe na cella e houbo que lle dar tres puntos.

   Sinónimos: sobrecella.
2. s f

   1. Conxunto de pelos que cobren o bordo superior da órbita ocular e que realizan unha función protectora.

      Ex: Ten unhas cellas moi perfiladas.

      Sinónimos: sobrecella.

   2. Cada un destes pelos.

      Ex: Arrincaba as cellas cos dedos.

3. s f

   Parte que sobresae un pouco nalgúns obxectos.

4. s f [MÚS]

   Peza de madeira, colocada entre o caravilleiro e o mastro, que nos instrumentos de corda ten a función de separar unhas cordas das outras da caixa e do mastro.

5. s f [MÚS]

   Utensilio que se despraza polos trastes para elevar o ton da melodía. Esta mesma función tamén se pode realizar presionando as cordas co dedo índice.

Frases feitas

• Queimar as cellas. Estudiar moito e con grande atención unha cousa.