Cellera de Ter, La

Municipio da comarca da Selva, na provincia de Girona, Catalunya, na marxe dereita do río Ter (2.034 h [1996]). Tamén se coñece como Cellera de Cabrera ou Cellera d’Anglès. A agricultura (cereais, forraxe e hortalizas) e a gandería (porcina e avícola) son as principais actividades económicas. Tamén ten importancia a industria da madeira. A igrexa de Santa Maria, de orixe románica e dependente do mosteiro de Amer, foi reconstruída con posterioridade aos terremotos de 1427.