Cerceris

Xénero de avespas donicelas, da familia dos esfécidos, que na etapa adulta miden 15 mm de lonxitude, e presentan unha coloración aposemática negra e amarela. Escava tobos en substratos areosos onde introduce eirugas paralizadas coa picadura do aguillón e sobre as que deposita o seu ovo. As eirugas brancas do himenóptero aliméntanse ao nacer dos tecidos vivos da víctima.