Chaparrón, El

Semanario humorístico que se publicou dende xaneiro de 1901 ata finais do mesmo ano en Betanzos. Nun principio editouse na imprenta dos Sucesores de Castañeira, e logo pasou aos obradoiros gráficos da Viúva de Abad. O avogado César Sánchez Díaz formaba parte da redacción. Este semanario era moi coñecido na vila, xa que o seu suposto servizo telegráfico facíase cargo de difundir os posibles noivados do lugar, así como de dar avisos, normalmente sarcásticos.