chapizo

Planta anual de ata 100 cm de lonxitude, de talo cuadrangular e provisto de aguillóns. Posúe follas de ata 5 cm de lonxitude, dispostas en verticilos de ata 9 pezas e con pequenas espiñas na marxe e flores brancas de corola tubular de catro lóbulos dispostas en cimas. O froito presenta dous mericarpos de ata 5 mm inzados de ganchiños que se fixan á roupa das persoas ou á pel dos animais logo dun rozamento, de xeito que a mobilidade destes posibilita a dispersión da planta. É unha especie propia de bosques, matogueiras e camiños.

Froito desta planta.