¹ chocar

1. v t [BIOL]

   Proporcionar certos vertebrados calor corporal aos seus ovos para que estes completen o seu desenvolvemento e dean lugar a novos individuos. É típico da maior parte das aves, dos anfibios apódodos, de réptiles como as cobras, e de mamíferos como os ornitorrincos. Xeralmente, a acción de chocar practícana as femias, aínda que en aves como as xacanas é labor dos machos. Nos casos nos que os ovos non son chocados, a calor procede directamente da natureza do niño, por unha orientación e posición favorable ou pola descomposición de materia orgánica que a nai ou o pai acumularon previamente.

   Ex: A merla chocou tres ovos.

   Sinónimos: incubar.
2. v t

   Manifestarse ou comezar a sentir os primeiros síntomas dunha enfermidade.

   Ex: O rapaz chocou a enfermidade durante catro días.

   Sinónimos: incubar.
3. v t

   Estender a bagaña do liño para que o sol a quente e solte a liñaza.

4. v t

   Poñer as castañas ao sol para que maduren.

5. v i

   Poñerse choca unha ave, especialmente a galiña. Ex: Chocaron dúas galiñas case ao mesmo tempo.

   Ex: Chocaron dúas galiñas case ao mesmo tempo.

6. v i

   Quentar un rescoldo ou un lume pouco intenso unha materia, que está verde ou mollada, ata que prende chama e arde. Ex: A fogueira chocou toda a tarde ata que prendeu lume.

   Ex: A fogueira chocou toda a tarde ata que prendeu lume.

Formas incorrectas