"Als" (Contén)

CIDADES

Cidade da provincia de Holanda Setentrional, Países Baixos (20.379 h [1984]). Importante mercado de flores.

CIDADES

Cidade de Flandres Oriental, Bélxica, á beira do Dender (76.441 h [1989]). Destacan as súas industrias de cervexa, téxtiles e calzado. No ano 1046 foi capital do condado de Aalst.

PERSOEIRO

Filla do Rei Rodolfo II da Borgoña. Casou en 947 con Lotario II, Rei de Italia e Emperador de Alemaña. Dous anos despois da   morte deste (949), casou con Otón o Grande de Alemaña. Foi coroada Emperatriz no ano 962 e rexeu o reino durante a minoridade de idade dos seus fillos Otón II e Otón III. Na vellez volveu para a Alsacia e fundou numerosos mosteiros e conventos como o de Selz, preto de Estrasburgo. A súa festa celébrase o 16 de decembro.

ILLAS

Illa de Dinamarca, ao S do Petit Belt (314 km2). Está unida a Xutlandia por unha ponte. A poboación máis importante é Sønderborg.

REXIÓNS

Rexión do extremo NL de Francia, que comprende os departamentos do Alto Rin e do Baixo Rin (8.280 km2; 1.689.707 h [estim 1995]). A capital é Estrasburgo, cidade sede do Consello de Europa. É unha chaira alongada duns 200 m, de altitude media, que desde a Antigüidade serviu de paso entre o N e o S de Europa. Xeomorfoloxicamente forma parte da fosa renana. Hai tres grandes tipos de paisaxe: as montañas dos Vosgos, a chaira e os outeiros subvosguianos. A vertente alsaciana dos Vosgos comprende un macizo de gres ao N e un cristalino ao S, máis elevado e tallado en vales profundos, que acaba nunhas fallas graduadas. A chaira, percorrida polo Rin, está cuberta con depósitos eólicos. Os solos aluviais menos fértiles, formados durante o Cuaternario foron transformados por unha lixeira erosión en terrazas. Ao S o Rin formou unha rexión de outeiros baixos: o Sundgau. Protexida das influencias oceánicas polos Vosgos, o clima é continental. A paisaxe agrícola está moi dividida: o policultivo...

1. Relativo ou pertencente a Alsacia ou aos seus habitantes.

2. Natural ou habitante de Alsacia.

3. Nome que toma o dialecto alamánico falado en Alsacia.

PERSOEIRO

Perito agrimensor. Foi un dos impulsores e profesor da Escola Náutica de Bos Aires, a onde emigrara a mediados de século. En 1799 ensinou Xeografía e Cosmografía na Escola de Náutica e Debuxo. Publicou o Almanak y kalendario general diario de quartos de Luna, según el Meridiano de Buenos Aires para el año 1800.

PERSOEIRO

Médico. Realizou investigacións sobre o aparato dixestivo, entre as que cómpre salientar El sondeo duodenal en el resecado gástrico, tema da súa tese de doutoramento (1956). Posteriormente, traballou sobre patoloxías relacionadas co bocio, publicadas no volume colectivo Estudio sobre el bocio en Galicia (1980).

GALICIA

Médico cirurxián. Realizou investigacións sobre o aparato dixestivo, entre as que cómpre salientar Resultados lejanos de la gastroenterostomía como tratamiento de las retracciones cicatriciales de píloro, tema da súa tese de doutoramento (1904). Estivo vencellado aos círculos rexionalistas cataláns.

PERSOEIRO

Político arxentino, fillo de Valentín Alsina. Fundou o periódico La Nueva Era. Deputado (1862), Gobernador da provincia de Bos Aires (1866-1868), vicepresidente da República (1868-1874) e Ministro de Guerra e Mariña (1874-1877); neste último cargo levou a cabo unha importante campaña contra os indios da Pampa.

PERSOEIRO

Autor arxentino que realizou traballos sobre a emigración como La emigración en el primer siglo de la Independencia (1910) ou De mi archivo: gestión económica (1911). Así mesmo, escribiu España (1913), sobre as imprensións das súas viaxes a España e Galicia, e o libro de crónicas Un verano en Galicia (1913).

PERSOEIRO

Político e xurista arxentino. Opositor a J. M. Rosas, tivo que exiliarse a Montevideo. Ao retornar do exilio, foi elixido Gobernador de Bos Aires (1852-1857), senador (1861) e Presidente do Senado (1867). Redactou o Código Penal do 1862.

FILOSOFOS

Filósofo e teólogo alemán. Representante do Lulismo renacentista alemán, interpreta a Ars de Llull coma instrumento idóneo para chegar ao saber universal.