"Arāk" (Contén)

CAPITAIS

Capital do ostān de Markazī, Irán, na vertente oriental do Zagros (378.597 h [1994]). Centro de comunicacións ferroviarias, aéreas e por estrada.

RIOS

Río de Grecia (143 km). Nace no monte Pindos, flúe en dirección S, pasa por Platanûssa e Árta, e desemboca no golfo de Ambracia. Antigamente era denominado Árta.

PERSOEIRO

Militar e político israelí. Membro da elite Ashkenazi de Israel, de orixe europea. Despois de 35 anos de carreira militar, retirouse como xefe do exército en 1995 e uniuse ao Partido Laborista. Foi brevemente ministro do Interior con Rabin e de Asuntos Exteriores con Peres, e converteuse en primeiro ministro en maio de 1999. Coa chegada de Barak e os laboristas ao goberno reactiváronse as negociacións de paz e aumentou a autonomía dos territorios baixo a administración da Autoridade Nacional Palestina.

1. No Islam, bendición que Deus concede a determinados fieis virtuosos e que se manifesta por unha vida terreal e eterna favorables. Deste modo, as tumbas e os obxectos persoais destes fieis comunican as súas propiedades aos devotos que se achegan para conseguilos.

2. Sorte ou situación favorable.

MUNICIPIOS

Municipio do territorio de Bizkaia, Euskadi, na ría do Nervión (100.474 h [1996]). Inserido na área metropolitana do Gran Bilbao, é un núcleo industrial que comezou a desenvolverse no s XIX coa instalación das primeiras siderúrxicas. No 1902 a fusión de tres delas deu lugar a Altos Hornos de Vizcaya, que posúe ferrocarrís e minas de ferro propias (Somorrostro, Mendierreta). Hai tamén industrias de maquinaria, ferramentas, material de transporte, produtos químicos, farmacéuticos, téxtiles, alimentarios, etc. Do seu patrimonio artístico destaca a igrexa de San Vicente, do s XIII.

1. Relativo ou pertencente aos betsimarakas.

2. Individuo dun pobo betsimisaraka do grupo malgache.

3. Pobo do grupo malgache que habita a costa L de Madagascar. Os betsimarakas (ó redor de 1.400.000 individuos) divídense en dúas tribos denominadas betsimisaraka-antavaratra e betsimisaraka-antatsimo, que habitan respectivamente no N e no S. Practican unha agricultura de subsistencia, xunto coa pesca e maila gandería.

PERSOEIRO

Anarquista. Directivo da Asociación Continental Americana de Trabajadores (ACAT), foi expulsado de diversos países americanos, aos que emigrara, polas súas actividades sindicais. Recalou na Coruña a finais de 1933, coincidindo coa folga da construción para a que acadou numerosos apoios en América. Reorganizador da FAI coruñesa e fundador do seu voceiro Brazo y Cerebro, exerceu unha considerable influencia sobre as Juventudes Libertarias herculinas. Agochado tralo golpe militar de 1936, foi descuberto e asasinado polos franquistas cando tentaba a reorganización dos grupos anarquistas na clandestinidade.

1. Relativo ou pertencente aos karakalpak.

2. Individuo do pobo karakalpak.

3. Pobo turanio no que se mesturan elementos mongois, que fala un dialecto turco e que habita ao S do mar de Aral, en Karakalpaquistán. Sometidos parcialmente polos kazakhs, no s XVIII trasladáronse cara ao S do mar de Aral. Durante o s XIX foron sometidos polo Khanato de Khiva. Tradicionalmente practicaban a gandería nómade de ovellas pero a maior parte da poboación sedentarizouse.

REPUBLICAS

República Autónoma de Uzbekistán (164.900 hm2; 1.343.000 h [estim 1993]). A capital é Nukus. Sometida polos rusos a finais do s XIX, pasou o control dos soviéticos en 1920. Rexión Autónoma de Karakalpaquistán desde 1925, en 1932 converteuse en república autónoma. En 1936 foi transferida á República Socialista Soviética Uzbeca.

1. Relativo ou pertencente aos karakitai.

2. Individuo do pobo karakitai.

3. Pobo mongol establecido ao S do lago Balkhaš a comezos do s XII. Fundaron un imperio que foi aniquilado por Xenguis Khan (1218).

CORDILLEIRAS

Cordilleira do Himalaia, situada ao N de Paquistán, do estado de Jammu e Kashmir e de India . A altitude media da aliñación é de 6.600 m; culmina no K2, a 8.611 m de altitude.