"Ards" (Contén)

DISTRITOS

Distrito de Irlanda do Norte, Reino Unido (361 km2; 64.000 h [estim 1988]).

PERSOEIRO

Debuxante inglés de formación autodidacta. Iniciou a súa andaina pictórica inspirándose nos renacentistas italianos, no prerrafaelismo, na estampa xaponesa e na pintura de cerámica grega, creando un estilo característico do decadentismo inglés. Nas ilustracións para Salomé (1894), de O. Wilde, acadou o seu estilo típico. Trazados cunha precisión depurada, evitando os sombreados a fin de adecualos ás posibilidades da tipografía, os seus debuxos eran dun erotismo refinado e corrosivo. O elemento decorativo das súas obras tórnase luxurioso en The rape of the lock (Forzar a fechadura, 1896), de Pope, e Volpone (1897-1898), de Ben Jonson, e pornográfico en Lisístrata (1896), de Aristófanes.

PERSOEIRO

Escritor chileno. Colaborador en distintos xornais e revistas, a súa obra é de orientación costumista. Da súa produción destaca El inútil (1910), El monstruo (1912), El roto (1920), Valparaíso, la ciudad del viento (1931), Criollos en París (1933), El subterráneo de los jesuitas (1966) e Nuevas crónicas (1966). Membro da Academia Chilena de la Lengua (1954), recibiu o Premio Nacional de Literatura (1943) e o Premio Nacional de Periodismo (1959).

PERSOEIRO

Director cinematográfico estadounidense. A maior parte da súa obra desenvólvese no campo da comedia: Breakfast at Tiffany’s (Almorzo en Tiffany’s, 1961), The Pink Panter (A panteira rosa, 1963), The Great Race (A gran carreira, 1965), The Party (A festa, 1967), Ten (Dez, 1979), SOB (1981), Victor Victoria (1982), Skin Deep (Profunda pel, 1989), Switch (Látego, 1991), etc. A súa película dramática Days of Wine and Roses (Días de viño e rosas, 1962) foi premiada no Festival Cinematográfico de Donostia de 1963.

PERSOEIRO

Pintor inglés. Cultivou a paisaxe e a pintura de historia. Profesor na Royal Academy, escribiu Anecdotes of painters who have resided or been born England, with remarks on their produtions (Anécdotas de pintores que residiron ou naceron en Inglaterra, con comentarios das súas obras, 1808), obra continuadora de Anecdotes of painting in England (Anécdotas da pintura inglesa, 1762-1771) de H. Walpole.

PERSOEIRO

Teólogo calvinista. Foi un dos vangardistas da fenomenoloxía da relixión. A súa obra máis importante é Inquiry into the Freedom of the Will (Preguntas sobre a liberdade do salvaxe, 1754).

PERSOEIRO

Escritor, sobriño de Joaquín Edwards Bello. Periodista e diplomático, estudiou dereito na Universidad de Chile, foi secretario de Pablo Neruda en París e participou no goberno de Salvador Allende. É autor de contos (Las máscaras, 1967; Persona non grata, 1973; Cuentos completos, 1990) e de novelas (El peso de la noche, 1965; Los convidados de piedra, 1978; El origen del mundo, 1996; El sueño de la historia, 2000). Membro da Academia Chilena de la Lengua e correspondente da Real Academia Española, recibiu o Premio Nacional de Literatura (1994), o Premio Cervantes (1999) e a Orden ao Mérito Gabriela Mistral.

PERSOEIRO

Escritor galés. Catedrático na Universidade de Oxford, codirixiu a revista do partido nacionalista galés e fundou a revista infantil Gales dos nenos, e tamén O home de Letras. Escribiu narracións de viaxes e editou clásicos galeses.

PERSOEIRO

Fisiólogo británico. Estudiou nas universidades de Gales e Edimburgo, onde se doutorou en 1957. Pioneiro nas técnicas de fecundación externa, conseguiu transferir embrións de ratas dunha femia a outra, determinou o proceso de maduración dos óvulos humanos e en 1965 acadou a fecundación de óvulos humanos in vitro. Ao redor do 1968, en colaboración co xinecólogo Patrick Steptoe, realizou distintos intentos para implantar embrións humanos fecundados in vitro na matriz de mulleres infértiles. En 1977 o equipo formado por Edwards e Steptoe obtivo óvulos xa maduros que, logo de ser sometidos a fecundación externa, foron implantados de novo no útero dunha muller que deu a luz o 25 de xullo de 1978 o primeiro bebé probeta. É catedrático emérito da Cambridge University e editor xefe da revista Reprodutive BioMedicine Online.

PERSOEIRO

Actor estadounidense. Coñecido como Jango Edwards, formouse en Londres. Destaca pola recuperación de moi diversas tradicións no campo do teatro cómico, burlesco e satírico, utilizando técnicas propias do circo e da barraca de feira. Entre as súas achegas hai que destacar a recuperación das festas dos tolos medievais, unha proposta que desenvolveu en Amsterdam a finais dos anos setenta.

PERSOEIRO

Médico. Traballou no Hospital Xeral de Massachusetts, no hospital da   Harvard University e dirixiu o Laboratorio Thorndike do hospital de Boston. Das súas obras destacan Treatment of pernicious anemia by special diet e Pathological physiology and clinical description of anemias. Recibiu o Premio Nobel de Fisioloxía e Medicina (1934), xunto con Murphy e Whipe, polos seus estudos   sobre o tratamento da anemia perniciosa.

PERSOEIRO

Cardiólogo estadounidense. En 1956 recibiu o Premio Nobel de Medicina, compartido con A. Cournad e con W. Forssmann, polo descubrimento sobre os cambios patolóxicos no sistema circulatorio e a técnica do cateterismo cardíaco.

PERSOEIRO

Crítico literario inglés. Profesor en Cambridge e Harvard, os seus escritos teóricos, de aspecto psicoloxista, tiveron un papel determinante na formación das novas correntes críticas de principios do s XX. Escribiu The Meaning of the Meaning (1923), xunto a C. K. Ogden; Principles of Literary Criticism (1924), Practical Criticism (1929) e The Philosophy of Rethoric (1936).

PERSOEIRO

Químico estadounidense. Traballou en electroquímica e termodinámica química, e ideou un tipo de calorímetro adiabático. En 1914 recibiu o Premio Nobel de Química por determinar numerosos pesos atómicos de elementos e confirmar a existencia de diferentes isótopos.

PERSOEIRO

Escritora inglesa. Na serie de novelas Pilgrimage (1915-1938) empregou unha técnica baseada no monólogo interior, que anunciaba a obra de Virgina Woolf e James Augustine Joyce.

PERSOEIRO

Escritora australiana. Coñecida como Henry Handel Richardson, gran parte da súa produción trata sobre as condicións de vida na Australia do s XIX, en particular a novela The Getting of Wisdom (1910) e a triloxía The Fortunes of Richard Mahoney (1917-1929). En 1948 publicouse a súa autobiografía inacabada, Myself when Young.