"Argas" (Contén)

PARROQUIA

Parroquia do concello de San Xoán de Río baixo a advocación de san Silvestre.

PERSOEIRO

Político. Foi ministro de Obras Públicas e de Facenda, alcalde de Bogotá e embaixador no Reino Unido e nos EE UU. Líder do Partido Liberal, exerceu a Presidencia do país de 1986 a 1990.

MUNICIPIOS

Municipio da provincia de Toledo, Castela-A Mancha, drenado polo Guadarrama (6.608 h [1996]). As principais actividades económicas son as agropecuarias, destacando os cultivos de cereais, oliveiras e vides, xunto á gandería ovina. A primeira referencia documental a Bargas remóntase á invasión musulmá (711). Nun texto datado en 1576 explícase como o emprazamento do núcleo se trasladou dende a beira do Guadarrama a un outeiro, por ser un lugar máis salubre.

GALICIA

Militar. Logo de licenciarse na Academia de Infantería de Toledo foi enviado a África. Á súa volta destinárono a Murcia e posteriormente a Vigo como capitán do rexemento de Infantería. O 20 de xullo de 1936 participou activamente na sublevación da guarnición de Vigo ao proclamar nun bando, lido na Porta do Sol, o estado de guerra. No transcurso da súa lectura morreron vinte persoas e cincuenta resultaron feridas. Foi o responsable da represión desatada na área de Vigo (Lavadores, Cabral, O Calvario, Teis, etc) que durou ata o día 26 de xullo e que causou numerosas víctimas civís. Tamén dirixiu a represión en Tui, onde resistían os agraristas, os grupos próximos á CNT e á Fronte Popular, leais á República. Logo das súas actuacións en Galicia foi destinado á fronte asturiana, onde morreu.

PERSOEIRO

Militar. En 1833 ingresou no corpo de garda de corps. Participou en diversas campañas contra os carlistas, na Guerra de Marrocos e na represión do movemento republicano en Andalucía (1868). Durante a Primeira República nomeárono capitán xeneral de València (1873) e dirixiu as operacións contra os cantonalistas de Cartagena e València. Durante a Restauración foi capitán xeneral en Euskadi, ministro de Guerra (1875-1879), con Cánovas del Castillo, e axudante de campo de Afonso XII, quen lle concedeu o título de marqués de Torrelavega en 1876.

MUNICIPIOS

Municipio da provincia de Badajoz, Extremadura, drenado polo río Alcarrache, afluente do Guadiana (2.118 h [2001]). A súa economía baséase nas actividades agropecuarias, especialmente no cultivo da oliveira e na gandería ovina e porcina.

PERSOEIRO

Escritor. Militante do occitanismo, a súa poesía, desde Cap de l’aiga (1952), tivo un papel destacado na actualización da expresión literaria en lingua de oc, o que se confirmou en Cor prendre (1965).

MONTES

Monte situado na parroquia de Berrande (Vilardevós), no límite con Portugal. O seu cumio acada os 700 m de altitude.

PERSOEIRO

Cartógrafo. Estudiou cartografía e técnica de gravado en París. Da súa produción destacan Atlas geográfico de la América Septentrional (1758) e Atlas geográfico de España (1810).

PERSOEIRO

Arquitecto. Foi un dos máis destacados representantes do historicismo de finais do s XIX e caracterizouse polo uso dunha linguaxe clasicista, que evolucionou cara ao neomedievalismo, cun estilo neomudéxar e neogótico. Traballou na restauración de diferentes construcións como a igrexa de San Jerónimo el Real de Madrid e a de San Vicente de Ávila. Tamén realizou o edificio da Bolsa de Comercio de Madrid (1885-1893) e a Casa Consistorial de Valladolid (1898). Foi secretario da Real Academia de Bellas Artes de San Fernando.

GALICIA

Parroquia do concello de San xoán de río. baixo a advocación de San silvestre.

PARROQUIA

Parroquia do concello de San Xoán de Río baixo a advocación de san Xoán.

ILLAS

Arquipélago da Costa da Morte que está situado fronte ao cabo San Adrián, no concello de Malpica de Bergantiños, no litoral atlántico. Está formado por tres illas: Sisarga Grande, Malante e Sisarga Chica. Nelas concéntranse a práctica totalidade das colonias de gaivota tridáctila (Rissa tridactyla) e arao común (Uria aalge) da Península Ibérica e tamén a principal colonia de gaivota escura (Larus fuscus) da Península. Predomina a vexetación de mato con especies do xénero Cytisus e unha pequena poboación de piñeiros. Foi incluído como Lugar de Importancia Comunitaria (LIC) e Zona de Especial Protección para as Aves (ZEPA) na proposta da Rede Natura 2000, dentro do espazo da Costa da Morte.

PERSOEIRO

Economista e político. Licenciado en Ciencias Económicas e doutor en Dereito, fundou Esquerra Democrática de Catalunya (1974), que se fusionou con Convergència Democràtica de Catalunya. Foi conselleiro de Economía e Finanzas da Generalitat de Catalunya (1980-1982), deputado (1977-1986) e senador (1986-1988). Escribiu, entre outras obras, La balanza de pagos interior (1960), Entre el capitalismo y el comunismo, un tercer camino? (1963), El sistema financiero español (1970) e Nacionalisme i llibertat (1979)