"Basilea" (Contén)

Antigo cantón de Suíza, situado ao NO do país, na fronteira con Francia e Alemaña, nas ribeiras do Rin e do seu afluente, o Wiese. Incorporado á Confederación Helvética desde 1501, dividiuse desde 1833 en dous cantóns, Basilea-Cidade e Basilea-Campiña.

Personaxe da mitoloxía grega, filla de Urano e de Titea, e irmá dos Titáns. Casou co seu irmán Hiperión do que tivo dous fillos, Selene (a Lúa) e Helios (o Sol).

Convenios monetarios asinados o 24 de abril de 1972 no ámbito da CEE. Establecen a rede monetaria europea baseada no encollemento voluntario das marxes de flutuación entre moedas europeas, o que reducía a diferenza máxima entre dúas moedas europeas a 2,25%. As dificultades dalgúns países (Gran Bretaña, Irlanda, Italia, Francia) para respectar este acordo debilitaron a vida da rede, que foi substituída en marzo de 1979 polo Sistema Monetario Europeo (SME).

Principado eclesiástico do Sacro Imperio, no círculo do Alto Rin, que se estendía polo Xura ata alén do Rin. Cando se introduciu a Reforma na cidade (1528-1529) o Bispo abandonou Basilea e retirouse a Porrentruy. A Paz de Viena (1815) atribuíu a maior parte do territorio ao Cantón de Berna.

Decimo sétimo concilio ecuménico, convocado polo Papa Martiño V para proseguir a obra reformadora do Concilio de Constanza, resolver o problema husita e unir as igrexas latina e grega. Estivo vixente dende o 1431 ata o 1449. A inseguridade de Basilea levou ao Papa Uxío IV a suspendelo e trasladalo a Boloña, decisión que foi freada pola oposición dos padres conciliares, defensores da superioridade do Concilio sobre o Papa. Ao cabo de dous anos de loita e logo de acadar os padres de Basilea a paz cos husitas, o Santo Padre declarou lexítimo o Concilio. A radicalización da actitude reformista antipontificia dos membros do Concilio provocou un novo enfrontamento ao trasladar o Sumo Pontífice a súa celebración a Ferrara (1437). Os que permaneceron en Basilea condenaron o Papa de herexe e nomearon o último antipapa, Félix V (Amadeo VIII de Savoia). O éxito do concilio papal de Ferrara-Florencia e o achegamento dos reis ao Papa deixou sen axuda aos axuntados en Basilea, que se trasladaron a Lausana...

Denominación conxunta dos dous tratados concluídos en 1795 por Francia con Prusia e España, que poñían fin á primeira guerra contra a Revolución Francesa. Por estes tratados, Prusia recoñecía a República francesa e cedíalle a marxe esquerda do Rin, mentres que Francia se retiraba das prazas que ocuparan en territorio español a cambio da parte oriental da illa de San Domingos. O tratado incluía, nunha claúsula secreta, o recoñecemento de privilexios comerciais para Francia.