"Cox" (Contén)

1. Poñer pexas a un animal, especialmente á vaca para que non dea couces ao muxila.

2. Pechar unha portela co arroxo.

1. Sal derivado dun elemento calcóxeno.

2. Composto laminar de fórmula química TX 2 , onde X é xofre, selenio ou telurio, e T é un metal de transición, como o titanio, o circonio, o vanadio, o molibdeno, etc. Presentan unha estrutura de láminas bidimensionais (XTX), paralelas entre elas, na que dúas capas aniónicas inclúen unha capa catiónica. Esta estrutura caracterízase polas unións intralaminares moi fortes e polas unións interlaminares febles. Estúdiase a súa utilización como cátodo nas baterías de automóbiles eléctricos.

PERSOEIRO

Rei de Nápoles (1285-1309) e Sicilia (1289-1302), conde de Provenza (1285-1309), conde de Anjou e de Maine (1285-1309) e príncipe de Acaia, tamén coñecido como Carlos de Salerno. Fillo e sucesor de Carlos I de Nápoles e de Beatriz de Provenza. Príncipe de Salerno, vicario do reino dende 1283 por ausencia de Carlos I, loitou contra as forzas de Pedro II de Aragón que o derrotaron en varias ocasións e o fixeron prisioneiro en Messina (1284). Cando sucedeu ao seu pai (1285), foi trasladado a Catalunya; recobrou a liberdade mediante o Pacto de Canfranc (1288), polo que renunciaba a Sicilia. Foi coroado rei en 1289 e retomou a loita ata a Tregua de Gaeta (1289), disputa que rematou co Tratado de Anagui (1295), polo que Xaime II de Aragón renunciaba a Sicilia e casaba con Branca, filla de Carlos II, que o acompañou a Catalunya. Sicilia, sen embargo, elixiu como rei a Federico II (1296), contra o que loitaron unidos Carlos II e Xaime II. Esta guerra chegou á súa fin coa Paz de Caltabellotta...

MUNICIPIOS

Municipio da provincia de Alacant, Comunitat Valenciana, na comarca do Bajo Segura (5.750 h [1996]). Na agricultura predominan os cereais, os cítricos e os produtos hortícolas. É importante o gando porcino, aínda que tamén o ovino e o bovino. As únicas actividades industriais son as explotacións de canteiras de calcaria marmórea e a elaboración do cánamo. Do seu patrimonio destaca a igrexa parroquial de Sant Joan (s XVIII).

PERSOEIRO

Pintor inglés. Como acuarelista pintou as paisaxes de Gales, para as que utilizou como soporte un tipo de papel empregado en Escocia nas embalaxes; posteriormente, fabricou un soporte semellante que recibiu o nome de papel Cox. Escribiu diversos traballos técnicos, entre os que destaca o Tratado sobre a pintura de paisaxes (1813-1814).

1. Parte da extremidade inferior humana ou da extremidade posterior do resto dos mamíferos que vai dende a cadeira ata o xeonllo. O esqueleto está constituído polo fémur e os músculos sitúanse en tres rexións: dorsal, interna e ventral. A rexión dorsal comprende o bíceps crural, o semitendinoso e o semimembranoso; a rexión interna, o pectíneo, os abdutores maior, mediano e menor da coxa e o recto interno; e a rexión ventral, o psoas ilíaco, o cuadríceps femoral e o tensor da fascia lata. Pola zona anterointerior pasan os vasos femorais, a arteria por fóra e a vea por dentro, e as rexións interna e posterior están irrigadas polas arterias isquiática e femoral profunda. A coxa está inervada polos nervios crural, ciático maior, femorocutáneo e obturador.

2. Parte superior da extremidade posterior das aves onde está a tibia.

3. Segmento basal da pata dos insectos, dos arácnidos e doutros artrópodos, situado entre o trocánter e o tórax.

1. Relativo ou pertencente á cadeira. OBS: A grafía <x> representa o son [ks].

2. Glándula excretora que se localiza na base das patas dalgúns artrópodos.

3. cadril.