"Das" (Contén)

pos V cadanseu

Enzima que hidroliza selectivamente o grupo fosfato de carbono 5’ dos mononucleótidos.

Casca que recobre o gran.

Academy of Motion Picture, Arts And Sciences.

Institución fundada no 1779 polo duque de Landes. Comprende unha sección de ciencias e outra de artes. Dispón dunha importante biblioteca.

Ponte medieval sobre o río Deva na parroquia de Achas (A Cañiza). Presenta un van con bóveda de aparello de cachotería, a calzada está ensanchada e non ten peitorís. Contén numerosas marcas de canteiro. Forma parte do antigo camiño da Cañiza a Salvaterra e Tui.

Expresión latina coa que se indica que unha cousa non se vai realizar nunca, xa que en Grecia non existían as calendas (división do mes romano). Conta Suetonio (s I-II d C) que a empregaba moito Augusto na conversa familiar para dar a entender que alguén nunca pagaría.

Nome dado polos conquistadores casteláns ás Islas Canarias.

Pintura romana ao fresco que representa un aspecto da cerimonia dunhas vodas e figuras mitolóxicas simbólicas. Descuberta en Roma no 1605, é un exemplar típico da pintura romana de influencia helenística.

Comedia en cinco actos de W. Shakespeare. Falstaff, personaxe central que xa aparecía en O rei Enrique V, achégase a dúas damas casadas que o converten no seu xoguete ao longo dunha acción desenfadada e alegre e cun final feliz. Serviu de inspiración ás óperas Die Lustige Welber von Windsor (As alegres viúvas de Windsor, 1849) de O. Nicolai e Falstaff (1893) de G. Verdi.

Área ciclónica, parte da faixa de baixas presións subpolares do hemisferio norte, ocupada por unha masa de aire húmido e relativamente quente en comparación coa masa de aire ártica de latitudes superiores. Non é un centro de acción estacionario, senón que consiste nunha serie de depresións migratorias interrompidas por subas de presión. No inverno, cando é máis marcada, canaliza as perturbacións dende as costas xaponesas e siberianas ata Canadá e a rexión dos Grandes Lagos; provoca chuvias intensas na franxa costeira pacífica de América do Norte, modera a temperatura e, se consegue transpasar as Rochosas, envía o chinook por riba das chairas de sotavento. No verán a expansión do anticiclón das Hawaii faina imperceptible.

Narración inglesa para nenos de Lewis Carroll, publicada en 1865. A protagonista, durmida contra unha árbore, adéntrase nun mundo de fantasía. A obra é considerada un dos precedentes do superrealismo e do absurdo.

Alzamento dos mouriscos granadinos que tivo lugar nas Alpujarras (1568-1570). Entre o 1550 e o 1560, factores de carácter económico e xurisdicional fan que medre o descontento entre os mouriscos, minoría non asimilada por completo ás leis e usos casteláns. A pragmática de 1526 desencadea a revolta. Aben Humeya capitanea a revolta e Xoán de Austria derrota os mouriscos. Entre o 1569 e o 1570 uns 150.000 mouriscos foron dispersados polas comarcas de Sevilla, A Mancha, Extremadura, Castela e Galicia.

Organismo creado en 1951 pola Asemblea Xeral das Nacións Unidas para asegurar a axuda material e a protección aos refuxiados e desprazados por mor dos conflitos bélicos e políticos. Ten a súa sede en Xenebra. No 1954 e no 1981 foille concedido o Premio Nobel da Paz.