"De Ponte" (Contén)

Organización política conservadora, fundada na cidade de Pontevedra en xaneiro do 1932. Foi o intento da dereita católica galega de unificar a todos os sectores conservadores baixo unhas mesmas siglas, posteriormente espallouse polas cidades máis importantes e representativas de Galicia. A organización tentou manter relacións directas coa Acción Nacional de Madrid, tratando de non subordinarse á influínte Acción Católica de Compostela, que tentaba erixirse na cidade líder desta organización política. Inicialmente tivo poucos apoios locais, e non acadou a implantación social esperada.

Organización católica, fundada o 2 de febreiro de 1932 no concello de Pontedeume. Naceu baixo a denominación oficial de Asociación Femenina de Acción Nacional de Pontedeume, pero a partir do 20 de xuño de 1932 realizou as súas actividades baixo o nome de Acción Popular Femenina. A nova organización funcionou entre 1932 e 1934, artellada en delegacións parroquiais; esta división parroquial respondía á estratexia expansiva da Unión Regional de Derechas (1931), á que a Acción de Pontedeume estaba adscrita dende a data mesma da súa fundación. Esta organización feminina naceu como resposta ás iniciativas da sociedade local, coa intención de estruturar a propaganda do catolicismo político naquelas parroquias onde aínda non era moi forte. Boa mostra do seu carácter social e interclasista foi a intención de agrupar tanto as mulleres obreiras como as que non o eran, aínda que os cargos directivos estaban dominados, porcentualmente, polas mulleres pertencentes a familias dunha posición socio-económica...

Liñaxe orixinaria da freguesía ourensá de Santa María de Aguión de Ponte. As súas armas levan, en campo de goles, dúas caldeiras, de prata; bordo de sinople, cargado de oito estrelas de prata.

Arquivo fundado o 4 de agosto de 1934 baixo a presidencia de Enrique Fernández Villamil Alegre, que ten a función de recoller, organizar e difundir publicamente a documentación provincial de carácter público ou privado.

Organización moi activa nos derradeiros anos do s XIX que agrupaba un gran número de mestres da provincia de Pontevedra. En xuño de 1894 publicou Crónica de la Asamblea Pedagógica y Exposición Escolar, un xornal profesional de dez números que lle deu cobertura e apoio á Asamblea Pedagógica e á Exposición Escolar dese mesmo ano. Nesta publicación pódese observar o desenvolvemento das distintas intervencións que se produciron nestes actos. A Asociación prestou especial interese por temas relacionados cos problemas das escolas mixtas e co ensino da época en xeral.

Fundada en decembro de 1988, agrupa varios hoteis situados na provincia de Pontevedra. O seu obxectivo é lograr unha superior ocupación, baseándose nunha mellor atención das institucións e realizando actividades en común. Mantén unha oficina internacional situada no Porto que oferta servicios turísticos.

Sociedade fundada o 25 de abril de 1965 cunha finalidade cultural. Organizou ciclos de conferencias coa participación de Xosé M. Beiras, Álvaro Cunqueiro, Torrente Ballester, etc. Xunto a estas, numerosas exposicións de pintura e escultura con obras de Conde Corbal, Virxilio Fernández, Acisclo Manzano e Manolo Caballero, entre outros. Ao longo dos anos homenaxeou as figuras de Valle-Inclán, Miguel Hernández e o musicólogo Agustín Isorna Ríos.

Creouse nunha sesión da Deputación do 13 de setembro de 1941. Concibida nun principio como biblioteca especializada en Dereito, Lexislación, Historia moderna e contemporánea e Antropoloxía de Galicia aínda que os fondos máis antigos datan de 1757, a maioría da colección é actual. Conta tamén cos libros de actas das sesións da Deputación.

Biblioteca organizada a partir do ano 1927 que contén máis de 46.000 volumes de diversa temática -Historia, Arqueoloxía, Arte-, e máis de 3.500 títulos de revistas. Doaron obras para o seu fondo a Sociedade Arqueolóxica de Pontevedra, Castro Sampedro e Folgar, Sampedro Mon, Sanz Casal, Rodríguez de Viguri, Fernández Cochón, Castelao, Víctor Said Armesto, Indalecio Armesto e Sánchez Cantón. Tamén se inclúen os libros cedidos polo Servicio Nacional de Lectura, o Consejo Superior de Investigaciones Científicas e o Concello de Pontevedra.

Biblioteca organizada a partir de 1848 con fondos que proviñan dos mosteiros e conventos da provincia. Inaugurouse o 2 de febreiro de 1849. Do Instituto Provincial de Segunda Enseñanza trasladouse á Sala de Quintas do Palacio Provincial, e logo a unha sala do Arquivo da Delegación de Facenda. Despois de varios traslados (1931) instalouse no Instituto de Enseñanza Media. Entre os seus fondos figuran a colección da Sociedade de Arqueoloxía, a colección Sampedro, os libros de homenaxe a Losada Diéguez e os que figuraban no Instituto de Enseñanza Media. Pouco a pouco foi aumentando a súa colección bibliográfica, con numerosas subscricións a revistas e xornais. Adquiriu tamén en 1946 a Biblioteca Muruais, composta por obras de arte e literatura francesa e inglesa do século XIX. Finalmente, sufriu un novo traslado ao Arquivo Histórico Provincial, onde incrementou os seus fondos. En 1977 conformouse a sección de libros infantís con máis de 2.000 volumes. A finais da década dos anos 80 contaba...

Mostra artística organizada pola Deputación de Pontevedra desde 1969. Naceu como un medio no que se puidesen dar a coñecer os artistas da cidade e de Galicia para internacionalizarse co paso dos anos. Está organizada en catro apartados expositivos: sección provincial, cunha mostra antolóxica e outra dedicada aos novos valores, sección autonómica, sección española e sección internacional. Acompáñanse as exposicións coa edición de catálogos, guías didácticas, etc.

Boletín editado na cidade de Pontevedra a partir do ano 1912.

Boletín informativo que apareceu na cidade de Pontevedra no ano 1903.

Boletín que apareceu en Pontevedra no ano 1960. Informaba sobre todos os acontecementos relacionados co concello.

Grupo coral formado exclusivamente por homes fundado en 1985 co asesoramento do P. José Vallejo, monxe mercedario do mosteiro de Poio e derradeiro representante da Schola Cantorum, e aglutinado por Vicente Couceiro Bueno, o seu primeiro director. Ten como obxectivo a recuperación das orixes da música occidental, da tradición gregoriana existente antigamente no mosteiro de Poio coa súa desaparecida Scola Cantorum e a difusión dos cantos gregorianos. En 1986 deu o seu primeiro concerto e de xeito regular intervén como única actuación vogal no ciclo de Concertos de Órgano celebrados anualmente no mosteiro de Poio; nos oficios do Xoves Santo, coa representación dos Salmos do Rei David e as Lamentacións de Xeremías, e canta na liturxia correspondente; no Nadal ofrece un concerto e todos os primeiros sábados de mes canta a misa no mosteiro de Poio co gallo do canto tradicional da Salve en ton solemne. Dende 1994 está baixo a dirección de Fernando Olbés Durán, cantor...