"Eume" (Contén)

SEMANARIOS

Semanario aparecido en Pontedeume o 6 de febreiro de 1910. Cesou o 30 de setembro de 1918, despois de publicar 445 números. Fundado por Ramón Pena Miró e Rosendo Vilariño Tenreiro, foi dirixido por este último. Contou coa colaboración de Manuel Murguía, Francisco Tettamancy, Florencio Vaamonde, Antón Villar Ponte e Leopoldo Pedreira. No eido literario, incluíu versos humorísticos en galego do poeta Miguel López Torre. Os textos, de temática variada, ían ilustrados con fotogravados, caricaturas e debuxos.

RIOS

Río do NO da Comunidade Autónoma de Galicia. Nace na vertente sudoriental da serra do Xistral, na parroquia de Montouto (concello de Abadín). O seu curso adopta unha dirección SO coa que abandona o concello de Abadín para servir de límite ao de Vilalba (parroquias de San Simón da Costa e Vilapedre) e Muras (parroquias da Balsa, O Viveiró e Irixoa) e despois, xa con dirección NO, ás parroquias do Burgo e Muras, do concello homónimo. Ao chegar ao límite entre o concello de Muras e o das Pontes de García Rodríguez, na parroquia de Somede, vira cara ao S ata chegar ao das Pontes de García Rodríguez. Despois dun curso zigzagueante entre as dúas parroquias, no encoro da Ribeira adopta unha dirección SO coa que chega ao límite co concello de Xermade e despois co concello de Monfero. Neste treito, o do encoro do Eume, vira cara ao O. Todo o límite entre os concellos de Monfero e As Pontes de García Rodríguez está ocupado polo encoro do Eume. Augas abaixo da presa, o curso do río aprovéitase como...

GALICIA

Comarca administrativa do NO da Comunidade Autónoma de Galicia. Limita ao N coas comarcas de Ortegal (concellos de Mañón e Ortigueira) e Ferrol (As Somozas, San Sadurniño e Neda); ao S coa de Betanzos (Aranga, Irixoa, Vilarmaior e Miño); ao L coa de Ferrol (Fene) e coas rías de Ares e Betanzos; e ao O coa Terra Chá (concellos de Muras, Xermade e Guitiriz). Abrangue unha superficie de 541,3 km2nos que acolle unha poboación de 28.842 h (2001), distribuídos entre os concellos de Cabanas (30,3 km2; 3.292 h), A Capela (58,7 km2; 1.559 h); Monfero (172,5 km2; 2.639 h); Pontedeume (29,4 km2; 8.912 h) e As Pontes de García Rodríguez (250,4 km2; 12.440 h). Dous son os núcleos principais: As Pontes de García Rodríguez, situada a 43° 26’ 55’’ de latitude N e 7° 51’ 25’’ de lonxitude O; e Pontedeume, situada a 43° 24’ 20’’ de latitude N e 8° 10’ 20’’ de lonxitude O, que organizan cadansúa subárea funcional dentro da comarca. A máis extensa...

SEMANARIOS

Semanario aparecido en Pontedeume o 16 de febreiro de 1890. Cesou a súa edición o 31 de agosto do mesmo ano (nº 28). Fundado e dirixido por Juan Tejada Velasco, imprimiuse nos obradoiros tipográficos de Puga na Coruña.

ENCORO

Encoro sobre o río Eume, entre os concellos das Pontes de García Rodríguez e Monfero. Ocupa unhas 450 ha no curso medio do río, a partir da presa construída entre San Pedro de Eume (As Pontes de García Rodríguez) e Queixeiro (Monfero). Nesa superficie acolle un volume de 123 Hm3 de auga. A presa, que se comezou a construír en 1955 e se rematou en marzo de 1960, foi a primeira de tipo bóveda de dobre curvatura en España. Propiedade de FENOSA na súa orixe, en 1986 pasou a pertencer a ENDESA.

PERSOEIRO

Xeneral e político macedonio. Secretario de Filipo II de Macedonia e do seu fillo Alexandre o Grande, estivo ao mando da flota do Éufrates e desde o 324 a C da cabalería. Trala morte de Alexandre, foi nomeado sátrapa da Capadocia, Paflagonia e Ponto, e enfrontouse xunto con Perdicas aos xenerais alexandrinos que loitaban pola herencia de Alexandre.

PERSOEIRO

Rei de Pérgamo (263 a C-241 a C). Sucesor do seu tío Filetero, independizou o seu reino do poder seléucida aínda que nunca tomou o título de rei. Durante o seu goberno ampliáronse os territorios do reino e iniciouse un programa de construción de edificios públicos. Foi mecenas do filósofo Arcesilao.

PERSOEIRO

Rei de Pérgamo (197-159 a C), fillo e sucesor de Atalo I. Aliouse con Roma na loita contra Nabis, tirano de Esparta, e contra Antíoco III de Siria, ao que lle proporcionou trala Paz de Apamea (188 a C) os territorios seléucidas en Asia Menor. Entre o 188 a C e o 166 a C enfrontouse aos gálatas, ao rei de Bitinia e ao rei de Ponto. Durante o seu reinado Pérgamo converteuse nun dos principais focos da cultura helenística.

PARROQUIA

Parroquia baixo a advocación de Santiago que dá nome ao concello de Pontedeume, onde se localiza a capital municipal.

GALICIA

Concello da comarca do Eume, situado ao NO da Comunidade Autónoma de Galicia e ao O da provincia da Coruña. A súa posición xeográfica é 43° 24’ de latitude N e 8° 10’ de lonxitude O. Limita ao N co concello de Cabanas (comarca do Eume), ao L co concello de Monfero (comarca do Eume), ao S cos concellos de Miño e Vilarmaior (comarca de Betanzos), e ao O coa ría de Ares. Abrangue unha superficie de 29,3 km 2 , en que acolle unha poboación de 8.635 h (2007), distribuída entre as parroquias de Andrade, Boebre, Breamo, Centroña, Nogueirosa, Ombre, Pontedeume e Vilar. A capital do concello é Pontedeume, na parroquia homónima, localizada a 45 km da cidade da Coruña e a 77 km de Santiago de Compostela. Está adscrito á arquidiocese de Santiago ao partido xudicial de Betanzos.
Xeografía física
O concello sitúase na marxe meridional da ría de Ares na que desemboca o Eume e morfoloxicamente pódense diferenciar dúas unidades. A primeira é a ampla veiga que se forma...