"FETE" (Contén)

Establecemento de hostalería especializado no servizo de cafés, que, por norma xeral, está presidido por unha barra trala que hai unha máquina cafeteira, e que dispón de pequenas mesas para consumilo sentado. A aparición das cafeterías en Occidente foi consecuencia da popularización do café a partir do século XVI. Propagáronse rapidamente despois da fundación da vienesa Die blaue Flasche (A botella azul), agás en Inglaterra, onde xa existían os salóns de té e onde o consumo de café era inferior ao da infusión, e en España, onde gozaban de grande arraigamento as chocolaterías. As primeiras cafeterías españolas foron fundadas no século XVII por hostaleiros   italianos.

Federación que se constituíu en xuño de 1931 a partir da Asociación General de Maestros (AGM), creada en 1912, inda que o 1 de febreiro de 1931 xa aparecera o primeiro número da revista que sería o seu órgano de expresión: Trabajadores de la Enseñanza. Dende os comezos adheriuse á Internacional de Traballadores do Ensino (ITE), de tendencia comunista para, pouco despois, afiliarse ao Secretariado Profesional Internacional do Ensino (SPIE). En 1920 a AGM aprobou os criterios educativos que definían e caracterizarían a FETE: escola única, pública, gratuíta, laica, pacifista, etc. En Galicia as primeiras organizacións da FETE, denominadas Asociación de Trabajadores de la Enseñanza (ATE), creáronse en Ourense, Ferrol (1932), Santiago de Compostela e A Coruña (1933). Editaban as revistas Escuela Vivida (1935-1936), órgano da Casa do Mestre de Pontevedra, e Escuela del Trabajo -máis tarde ATEO- de Ourense. Entre o 17 e o 24 de maio de 1936, realizouse un Congreso...

Escena de xénero que representa unha festa campestre, na que os personaxes aparecen nun escenario idealizado ao aire libre. Normalmente están comendo, bailando, escoitando música ou coqueteando. Cultivouse moito na pintura veneciana do s XVI; entre outras obras destaca Concerto campestre de Giorgione. As variacións sobre o tema que realizou J. A. Watteau recibiron o nome de fête galante (festa galante) pola Académie Française.

Boletín sindicalista e órgano de FETE-UGT-Galicia dende 1983. Mantivo unha periodicidade máis ou menos mensual ata 1990 e proseguiu dun xeito máis irregular ata 1998. Cunha orientación informativa e profesional (oposicións, concursos, actividades de Escola Viva, etc), centrouse nos procesos de negociacións, dende a reivindicación da homologación retributiva dos funcionarios docentes, as condicións de traballo, os cadros de persoal, a estruturación dos corpos, a reforma da Función Pública, ata o sistema de selección do persoal docente e non docente interino, a necesidade dunha reforma educativa ou a participación do profesorado na súa propia formación. As mobilizacións e as convocatorias de folga tamén tiveron un destacado seguimento. Na actualidade emprégase para informacións sectoriais ou puntuais, xa que foi substituído como órgano periódico pola revista Profesionais.

Maxistrado fenicio, propio de Cartago e dos pobos que estaban baixo a influencia púnica. En Cartago había dous, que constituían a maxistratura suprema e eran daquela o órgano executivo da política interior e exterior. Eran elixidos por un ano entre os membros das grandes familias.