"Gap" (Contén)

1. Palabra moi empregada polos primeiros autores cristiáns para designar o amor cristián en oposición ao eros, o amor sensual. Aparece a miúdo nas epístolas de Paulo e de Xoán referíndose ao amor de Deus ou ao amor dos cristiáns entre eles. Os escritores latinos traducírono por caritas (caridade).

2. 1. Comida en común que os primitivos cristiáns partillaban en sinal de irmandade. Os ágapes coincidían ás veces coa celebración eucarística, sen embargo, dende mediados do s III tiñan lugar na véspera da eucaristía, celebrada na mañá seguinte.

   2. Banquete ou comida de familia ou amigos para celebrar algún acontecemento.

   3. Merenda, especialmente servida na eira o derradeiro día da malla, na cal toman parte todos os malleiros.

PERSOEIRO

Papa (535-536). Combateu o monofisismo, depuxo o patriarca Antimo de Constantinopla e xestionou sen éxito a paz entre Xustiniano e o Rei ostrogodo Teodato. Festa: o 20 de setembro na Igrexa latina e o 22 de abril na Igrexa ortodoxa grega.

PERSOEIRO

Papa (946-956). Sucesor de Martiño III. Apoiou a reforma de Cluny e realizou un labor de moralización e disciplina en Roma. Pronunciouse a prol de Otón o Grande contra Berengario II.

PERSOEIRO

Mozo romano de entre 15 e 18 anos que, en tempos do Emperador Aureliano, superou milagrosamente múltiples tormentos antes de sufrir martirio: botáronlle auga fervendo na barriga, arrincáronlle os dentes, colgárono polos pés sobre unha fogueira pero as lapas lambíano sen lle facer mal ningún. Os leóns do circo tamén se lle deitaron mansos aos pés. Morreu co peito atravesado por unha espada ou, segundo outra tradición, decapitado.

CIDADES

Cidade do estado de Bengala Occidental, India, situada no val do río Dāmodar (415.986 h [1991]). É un destacado núcleo industrial.

CAPITAIS

Capital do departamento de Altos Alpes, Francia (36.262 h [1997]). A súa situación nunha encrucillada de vías de comunicación converteuna nun centro comercial e desde hai pouco nun núcleo industrial. Antigo campamento romano co nome de Vapiricum, constituíu na Idade Media un importante centro comercial do val do Rhône. Do seu patrimonio cultural destacan a casa do concello (s XV) e a igrexa dos Cordeliers (s XVIII).

1. Desaxuste real entre dúas magnitudes económicas. Fálase, por exemplo, de gap entre a oferta e a demanda, entre gastos e ingresos, etc.

2. Intervalo de enerxía da banda prohibida dun semicondutor, é dicir, a diferencia de enerxía entre o mínimo absoluto da banda de condución e o máximo absoluto da banda de valencia.

1. Relativo ou pertencente aos megapódidos.

2. Ave da familia dos megapódidos.

3. Familia de aves da orde dos craciformes, de 50 a 70 cm, que ten as patas, os dedos e as uñas grandes e fortes e que é a única familia de paxaros que non incuban os ovos e os pitos coa calor do corpo. Fan a posta no interior de moreas de materia vexetal en descomposición ou sotérrana na area da praia. Os pitos poden voar ás 24 horas de saír do ovo. Os xéneros máis importantes son Alectura, Leipoa e Megapodius. Viven en Indonesia, Melanesia, Australia e Polinesia.