"Ibb" (Contén)

PERSOEIRO

Escultor e arquitecto inglés. Estudiou en Roma e estableceuse en Londres. Introdutor en Inglaterra das formas do barroco italiano, en 1674 realizou os relevos que decoran a base do monumento que lembra o grande incendio de Londres de 1666. Entre as súas obras destacan A loucura e A melancolía (1675?), realizadas para a porta do antigo hospital Bedlam. Como arquitecto traballou con Christopher Wren na catedral de San Paulo.

PERSOEIRO

Poeta, dramaturgo e actor. Representou e readaptou a Shakespeare no Drury Lane de Londres e escribiu diversas comedias. É autor da comedia autobiográfica The Apology for the Life of Colley Cibber, Comedian (Apoloxía da vida do comediante Colley Cibber, 1740).

PERSOEIRO

Fotógrafo holandés. Estudiou arte na Academia voor Beeldende en Bouwende Kunsten, Tilburg, onde tamén traballou como profesor. En 1967 trasladouse ao Reino Unido para estudar pintura e comezou a traballar no campo da fotografía. Coas súas imaxes conceptuais, ao igual que acontece nas súas obras pitóricas, procura deformar a xeometría dos obxectos; así mesmo, preocúpase polo fenómeno do movemento que tamén tenta plasmar nas súas creacións coa exposición de imaxes simultáneas. O seu recoñecemento internacional chegou cunha serie fotográfica realizada entre 1967 e 1969.

PERSOEIRO

Historiador británico. Formado en Oxford e en Lausanne, foi membro do exército e da Cámara dos Comúns (1774-1783). En contacto co enciclopedismo francés desde a súa estadía en Suíza, foi un dos máximos representantes da Ilustración inglesa. Como historiador sostivo a teoría do progreso constante da humanidade, aínda que admitía retrocesos transitorios. Criticou, ademais, duramente o cristianismo, ao que acusou de ser unha das causas da caída do Imperio Romano. Escribiu, entre outras, Essai sur l’étude de la littérature (1761), Critical Observations of the sixth book of the Aeneid (1770), aínda que a súa obra máis importante foi The History of the Decline and Fall of the Roman Empire (1776-1788).

PERSOEIRO

Fisicoquímico e matemático norteamericano. Foi nomeado profesor de física matemática en Yale. Os seus estudios versaron sobre termodinámica química (aplicación da primeira e da segunda no estudo do equilibrio de substancias heteroxéneas). Estableceu as bases teóricas da fisicoquímica e descubriu, xunto con Helmholtz, a ecuación que leva o seu nome, así como a regra das fases. En matemáticas contribuíu á análise vectorial e á teoría dos cuaternios. A súa obra principal é On the equilibrium of heterogeneous substances, na que senta os fundamentos da regra das bases.

ENTRADA LARGA

Ecuación que, para un sistema que evoluciona a presión e temperatura constantes, toma a forma

FORMULA

A sendo o traballo efectuado polo sistema descontado o traballo de expansión, H1e H2as entalpías inicial e final, respectivamente, p a presión e T a temperatura absoluta do sistema.

PERSOEIRO

Químico estadounidense. Colaborou no proxecto Manhattan no desenvolvemento da bomba atómica entre 1941 e 1945, e separou isótopos de uranio. Foi un dos creadores do método de datación de restos arqueolóxicos mediante o carbono radioactivo 14C (carbono 14), polo que recibiu o Premio Nobel de Química (1960).

PERSOEIRO

Historiador inglés da literatura. Logo de formarse no King’s College de Londres, en 1953 realizou unha tese de doutoramento sobre Bécquer. Profesor en diversas universidades británicas, especializouse en B. Pérez Galdós e publicou, entre outras obras, Niebla y soledad: aspectos de Unamuno y Machado (1971), History and Fition in Galdós’s Narratives (1993) e Conflits and conciliations: the evolution of Galdós’s Fortuna y Jacinta (1997).

PERSOEIRO

Político alemán. Foi conselleiro de asuntos exteriores de A. Hitler na chegada ao poder dos nazis (1933). Negociou o acordo británico-alemán que autorizou o rearmamento naval alemán (1935), e con Xapón o Pacto Antikomintern (1936). Foi ministro de Asuntos Exteriores (1938) e asinou o Pacto de Aceiro con Italia (1939), pero o seu maior éxito foi a sinatura do Pacto Xermano-soviético (1939). A súa importancia decaeu durante a Segunda Guerra Mudial. Xulgado como criminal de guerra no Proceso de Nuremberg, foi condenado a morrer na forca.