"Quinte" (Contén)

PERSOEIRO

Comediógrafo castelán. Escribiu sempre en colaboración co seu irmán Serafín (Utrera, Sevilla 1873 - Madrid 1938) xunto a quen se iniciou no xornalismo. Escribiron duascentas obras, entre comedias e sainetes que recrean unha Andalucía na que a vida é idílica. Destacan: El patio (1900), El genio alegre (1906), Malvaloca (1912), La boda de Quinita Flores (1925), La pícara vida (1932) e outras obras.

PUNTA

Punta da parroquia e concello de Boiro situada na beira occidental da enseada de Rianxo, Ría de Arousa.

GALICIA

Pintora. Ademais de cursar estudios de debuxo e pintura, estudiou maxisterio e piano. Nas súas obras reproduciu as porcelanas de Sargadelos e os encaixes de Chantilly, Bruxas e Camariñas, ademais de paisaxes, bodegóns e monumentos antigos. Realizou exposicións en diversas cidades e vilas de Galicia e en Madrid. Da súa produción salienta Combarro e Divina Pastora.

GALICIA

Artista plástico. Iniciou a súa andaina artística en Lugo en 1975, dedicándose ao deseño gráfico e á ilustración. Nese ano trasladouse á Coruña onde instalou o seu estudio, Factoría Gráfica. Durante os anos oitenta empregou na ilustración a técnica da aerografía; expuxo tamén no VII Salón Internacional do Cómic e da Ilustración (Barcelona) e na VI Bienal Internacional de Arte de Vilanova da Cerveira (Portugal). Máis tarde comezou a traballar co ordenador nos estudios de reconstrución arqueolóxica; con el realizou unha serie de cinco vistas da evolución do primitivo faro romano da Torre de Hércules, dende a súa construción ata o s XV. Realizou traballos de planos urbanos e deseños das imaxes corporativas de diferentes empresas. Participou como pintor na I Mostra Unión Fenosa (1989) e no VII Certame de Pintura do Concello de Cambre. En 1992 realizou a súa primeira exposición individual na Coruña. En xuño do 2000 inaugurou, tamén na Coruña, a primeira exposición de arte dixital que se celebrou...

PERSOEIRO

Actor. Comezou a súa actividade dramática no grupo da Universidade Laboral da Coruña. Ademais de ser fundador do grupo de teatro e monicreques Petón da Fox, en 1989, e do grupo Birimbau, en 1990, traballou no eido da dobraxe, como actor de teatro e televisión e tamén en curtametraxes. Participou, entre outros, nos espectáculos A esperar por Godot, do Teatro Galileo (1999), e Os vellos non deben de namorarse, do Centro Dramático Galego (2000).

PERSOEIRO

Historiador. Foi profesor na Universitat de València (1985-1991) e desde 1991 é profesor de historia antiga na Universidade de Santiago de Compostela. Participou como investigador principal no proxecto Sociedade e Cultura Material na Protohistoria do Noroeste Peninsular (1999-2000). Especializouse nas relacións entre pensamento e sociedade, e na historia da Hispania Antiga e os seus paralelos europeos. É membro dos consellos de redacción de Gallaecia (1996) e Cuadernos de Estudios Galegos (2002). Escribiu A vida cotiá na Galicia Castrexa (1998), El Rey melancólico: antropología de los fragmentos de Heráclito (1992), Las Religiones en la historia de Galicia (1996), Mitología y mitos de la Hispania prerromana III (1999) e Mitos hispánicos: la Edad antigua (2001).

PERSOEIRO

Xornalista e escritor. Dirixiu varios diarios conservadores en Ferrol e Lugo. Posteriormente, dirixiu El Compilador de Puerto Rico (1873) e El Progreso de Galicia (1881), da Coruña. Publicou as obras La escritura y la imprenta desde sus primeros tiempos (1867) e Justicia para Galicia y Asturias en la cuestión del ferrocarril del Noroeste y de Orense a Vigo (1874).

PARROQUIA

Parroquia do concello do Corgo baixo a advocación de Santalla.

IGREXAS

Igrexa parroquial situada no Corgo. De estilo románico, aínda que con reformas posteriores, conserva a nave e a ábsida de forma rectangular. No seu interior destaca o arco triunfal semicircular. Na porta S conserva o tímpano realizado nun único bloque e debuxado no centro.

1. rueiro.

2. Persoa que ten arrendada ou traballa unha quinta ou as súas terras.

3. Persoa encargada de cobrar o quinto.

GALICIA

Eclesiástico. Licenciado en Teoloxía e doutor en Filosofía, foi ordenado sacerdote en 1971. Foi formador e profesor no Seminario Menor de Santiago de Compostela, e profesor e director (1992-1999) do Instituto Teológico Compostelano, onde dirixiu tamén o Centro de Formación Teológica de Seglares da arquidiocese compostelá (1982-1987). Reitor do Seminario Maior de Santiago de Compostela (1997-2000), bispo titular de Fuerteventura e bispo auxiliar da arquidiocese de Santiago de Compostela (1999), foi vigairo xeral do arcebispado e deán-presidente do cabido catedralicio de Santiago de Compostela, ao que pertencía desde 1998. Bispo promotor do Apostolado do Mar, desde 2002 é bispo de Ourense.

PARROQUIA

Parroquia do concello de Castro de Rei baixo a advocación de santa María.

PARROQUIA

Parroquia do concello de Crecente baixo a advocación de san Caetano.

PARROQUIA

Parroquia do concello de Redondela baixo a advocación de san Mamede.

PARROQUIA

Parroquia do concello de Viana do Bolo baixo a advocación de san Cosmede.

PARROQUIA

Parroquia baixo a advocación de san Paulo que dá nome ao concello de Quintela de Leirado, onde se localiza a capital municipal.

GALICIA

Concello da comarca de Terra de Celanova, situado no S da Comunidade Autónoma de Galicia e no O da provincia de Ourense. A súa posición xeográfica é 42° 05’ de latitude N e 8° 07’ de lonxitude O. Limita ao N cos concellos de Gomesende e Ramirás (comarca de Terra de Celanova), ao S con Portugal, ao L cos de Celanova e Verea (comarca de Terra de Celanova), e ao O co de Padrenda (comarca de Terra de Celanova). Abrangue unha superficie de 31,3 km2en que acolle unha poboación de 801 h (2007), distribuída entre as parroquias de Leirado, Mociños, Quintela de Leirado, Redemuíños e Xacebáns. A súa capital é o lugar de Quintela de Leirado, localizada a 40 km da cidade de Ourense. Está adscrito á diocese de Ourense e ao partido xudicial de Celanova.
Xeografía física
O relevo do concello de Quintela de Leirado disponse de forma converxente no val do río Deva. Ao redor deste val sitúanse as terras máis elevadas, que forman dúas superficies de erosión, unha entre...

PARROQUIA

Parroquia do concello de Viana do Bolo baixo a advocación do Padre Eterno.

PARROQUIA

Parroquia do concello de Viana do Bolo baixo a advocación de santa Isabel.