"Reus" (Contén)

GALICIA

Poeta. Licenciado en Psicoloxía. Colaborador en diversas revistas literarias (Dorna e A Regueifa) e membro do consello editorial da colección de poesía Letras de Cal. Participou en diversos proxectos culturais, como o grupo de teatro Talía, o Batallón Literario da Costa da Morte ou o Colectivo Poético Un Medio.
Publicou as obras Areados: na selva, pola tarde, ollando os tigres (Premio Miguel González Garcés, 1996), Poemas da cidade oculta (1996) e Teoría do lugar (1999), e os relatos “E a catro patas: quilómetros” (Premios Pedrón de Ouro Certames XVIII e XIX 1992 e 1993) e “Alguén matou a Bambi”, recollido no volume colectivo Historia da pusilanimidade e catro contos máis (1996). Outras obras son  Libro dos cans (2010), Decrúa (2003), Balea2 (2011) e Tirotea2 (2011)....

CABOS

Cabo que constitúe o extremo oriental da Península Ibérica, situado no sector do litoral mediterráneo denominado Costa Brava, na provincia de Girona. O seu contorno recibiu a declaración de Parque Natural.

DEPARTAMENTOS

Departamento francés, na rexión de Limousin (5.565 km2; 125.900 h [estim 1997]). A capital é Guéret (14.706 h [1990]).

PERSOEIRO

Escritor. Licenciado en Filosofía e Letras, como autor galego pódese encadrar dentro da Xeración do 36. Coñeceu o galego a través da lírica medieval e escribiu nesta lingua os libros de poemas As canciós d’ise amor que se diz olvido (1951) e As derradeiras pombas do serán (1991), en que, coma no anterior, o autor canta ao amor pasado en versificacións curtas, semellantes ás da cantiga popular. É tamén autor de África 1966 (1966), Los cantos de Montenegro y otros poemas (1981) e A través de la fe llegó la vida (1998).

MUNICIPIOS

Municipio situado na provincia de Tarragona, Catalunya (89.006 h [2001]). A base da súa economía é a agricultura de regadío complementada coa avicultura e a comercialización dos produtos agropecuarios mediante cooperativas.

RIOS

Río de Suíza, afluente pola dereita do Aare (159 km de lonxitude). Nace no cantón de Uri, na rexión de San Gottardo, entre os pasos de Furka e Oberalp. Atravesa o lago dos Catro Cantóns, do que sae por Lucerna.

PERSOEIRO

Economista. Catedrático de economía, foi profesor de dereito político, administrativo e economía política na Universidade de Santiago do Compostela entre 1854 e 1858. Foi subsecretario do ministro de Finanzas Laureà Figuerola i Ballester, quen ademais o iniciou no coñecemento de H. Ahrens. Durante a súa estancia en Santiago de Compostela, onde tivo como discípulos a Uxío Montero Ríos e Saturnino Álvarez Bugallal, enfrontouse ao clero compostelán pola súa oposición á influencia teocrática. Escribiu Mis memorias (1852-1868).