"Sagunt" (Contén)

Alzamento militar ocorrido en Sagunt (Campo de Morvedre) o 29 de decembro de 1874, ao pronunciarse os xenerais Arsenio Martínez de Campos e Luis Dabán Ramírez de Arellano, xunto cun grupo de coroneis, a favor da restauración monárquica de Afonso XII. A revolta propagouse por toda España e o 31 de decembro formouse en Madrid o primeiro goberno da Restauración.

Antiga cidade ibérica e despois romana situada na zona norte do territorio ocupado polos edetanos, preto da costa, que corresponde á actual Sagunt. O emprazamento, sobre un lugar alto de fácil defensa, é típico dos poboados ibéricos e non corresponde ás fundacións marítimas dos gregos. Foi un centro económico importante. As primeiras informacións sólidas sobre a súa historia refírense ao ataque de Aníbal (219 a C) que iniciou a Segunda Guerra Púnica. O problema da responsabilidade da orixe da guerra, a defensa encarnizada dos saguntinos e a súa fidelidade a Roma deron ao feito un gran relevo na historia romana. Despois da guerra a cidade foi reconstruída, primeiro polos cartaxineses, e despois de 212 a C polos romanos. Foi cidade federada ata que nun momento incerto do s I a C, ou durante a época de Augusto, pasou a ser municipio romano. Durante o Alto Imperio foi unha das cidades máis destacadas da costa mediterránea peninsular, probablemente unha das máis poboadas, e suntuosas: con teatro...