"Turís" (Contén)

Modalidade de turismo rural que consiste no aloxamento dos turistas nunha casa, situada no campo, e que acostuma acompañarse da súa participación nas actividades agropecuarias ou forestais.

ontade de mudar unha determinada situación política, social, relixiosa, etc, para facela menos restritiva.

Que representa edificacións ou outros motivos arquitectónicos.

Intoxicación aguda ou crónica polo hábito ou abuso de barbitúricos. O barbiturismo agudo prodúcese por doses moi fortes de barbitúricos en tentativas de suicidio ou por accidente; pode conducir ao coma e á morte. O barbiturismo crónico, chamado tamén toxicomanía barbitúrica, prodúcese pola inxestión de pequenas doses diarias durante anos.

Persoa que fai caricaturas.

Práctica do turismo con bicicleta.

Disciplina deportiva que consiste na realización de exercicios destinados ao desenvolvemento muscular. Nas competicións desta especialidade, os participantes exhiben a súa musculatura adoptando posturas previamente codificadas que permiten apreciar a harmonía do seu desenvolvemento. A Federación Internacional de Body-Building (IFBB) regulamenta e organiza as competicións de culturismo.

Modalidade de turismo, ambientalmente responsable, que consiste en viaxar ou visitar áreas naturais sen alteralas, co fin de gozar, apreciar e estudar os atractivos naturais, que se poida localizar a través dun proceso que promova a conservación, cun baixo impacto ambiental e cultural, e que propicie un compromiso activo e socioeconomicamente benéfico para as poboacións locais.

Persoa versada nas Sagradas Escrituras.

Ciencia que estudia as Sagradas Escrituras.

Relativo ou pertencente á escriturística.

Corrente artística baseada na creación dunhas formas tridimensionais, regulares e pintadas con cores planas, e estruturadas sobre un soporte. Propúxoa Charles Biederman fronte ao expresionismo abstracto.

Fundación sen ánimo de lucro con sede en Pontevedra creada en 1991 coa finalidade de promover actividades culturais e deportivas que contribúan ao coñecemento do patrimonio cultural, histórico e artístico de Galicia e da realidade cultural española. Naceu co propósito de dar continuidade e impulso ao labor que desenvolveron as Rutas Cicloturísticas del Románico-Internacionales. Das súas actividades destacan, ademais da organización das Rutas Cicloturísticas, a celebración de conferencias, concertos, exposicións e cursos, e a edición de libros sobre poesía, arte e historia. Concede un premio de escultura e pintura para alumnos da facultade de Belas Artes de Pontevedra, e colabora en actividades análogas con outras fundacións, asociacións e particulares.

Periódico editado na Coruña a partir dos anos sesenta do s XX. Subtitulouse “Revista anual de turismo” e dende 1984 “Publicación de la Consellería de Turismo, Juventud y Deportes en colaboración con CEHOSGA”. Dirixido por José L. Dorrego, dende 1984 ocupou o cargo Ezequiel Pérez Montes. Imprimiuse nos obradoiros tipográficos de El Ideal Gallego. Incluíu información sobre turismo, museos e gastronomía, ademais dunha guía de cámpings e hoteis.