cícero

Unidade de medida tipográfica equivalente a 4,52 mm e dividida en doce puntos. Chamada antigamente liña ou lectura, déronlle este nome os impresores franceses Pierre Simon Fournier (1712-1768) e François Ambroise Didot (1730-1804) porque se empregou nunha edición das obras de Cicerón. Nos países anglosaxóns e nos Países Baixos utilízase como unidade o cícero pica, equivalente á sexta parte dunha polgada (4,233 mm) e composta tamén de doce puntos.