cinsa

1. 1. s f

      Residuo pulverulento dunha combustión formado polas substancias minerais non volátiles presentes no combustible. Contén principalmente carbonatos alcalinos, carbonatos e sulfatos de calcio e de magnesio, sílice, óxidos de ferro e de manganeso, e silicato de aluminio. A cinsa vexetal e a de lignito son un fertilizante excelente para terras arxilosas. A cinsa considerouse instrumento de purificación e tamén símbolo de afliximento, de dó e de penitencia en moitas relixións.

      Ex: Pensei que as cinsas do forno xa estaban apagadas, pero tiñan rescaldo no medio.

      Sinónimos: borralla, cinza.
   2. cinsa bogadeira

      Cinsa que servía para a bogada.

2. s f pl

   1. Restos mortais dunha persoa.

      Ex: Baleiraron o nicho que aínda tiña as cinsas do meu bisavó.

      Sinónimos: cinza.

   2. Po que queda trala incineración dun corpo humano.

      Ex: Gardaron as cinsas da súa nai nunha urna.

      Sinónimos: cinza.
3. s f [PINT]

   Denominación que se aplicaba en droguería a diversos pigmentos empregados en pintura, aínda que a súa procedencia non fose a combustión.

   Sinónimos: cinza.
4. cinsa voante [QUÍM]

   Material obtido moendo moi finamente o residuo sólido da combustión do carbón nas centrais térmicas e noutras industrias. Ten propiedades pozolánicas e de absorción da auga. Utilízase en estradas para a estabilización dos solos e como aditivo dos conglomerados.

5. cinsa volcánica [XEOL]

   Produto volcánico constituído por fragmentos extremadamente finos (diámetro inferior a 2 mm) e non consolidados. Xeralmente son grans microscópicos ou rochas volcánicas pulverizadas por unha explosión. Poden ser transportados polo vento a grandes distancias.

Frases feitas

• Correr/ser lento como o sapo pola cinsa. Ser pouco activo, aplicado ou coidadoso.

• Non facer cinsa con alguén. Non conxeniar cunha persoa.

• Saír/saltar do paraño para a cinsa. Saír dunha mala situación para meterse nunha peor.

Formas incorrectas

Refráns

• Coa túa cinsa tapa o lume da túa fariña,