Clivia

Xénero de plantas herbáceas perennes da familia das amarilidáceas. Presenta follas basais lisas, grosas e alongadas, flores de cor amarela ou vermella con forma de funil, dispostas en inflorescencias con varias brácteas, e froitos en baga de cor vermella. Abrangue catro especies, orixinarias todas de Sudáfrica, que teñen interese en xardinería, especialmente a C. miniata e a C. nobilis.