coalición

Acordo temporal de dous ou máis grupos diversos sobre a base dun programa, co obxecto de reunir recursos comúns para obter beneficios individuais ou colectivos. Na esfera política, as coalicións son unións temporais de partidos e grupos políticos con fins electorais ou de goberno. No terreo económico, as coalicións, en contraposición ao trust, non cambian a titularidade das empresas coaligadas. Cando a coalición ten como fin primordial reducir a competencia, adóitase denominar cártel, aínda que están expresamente prohibidos pola normativa antimonopolista da maior parte dos estados.