cocer

1. v t

   Preparar un alimento mediante un proceso térmico, que produce unha modificación da textura física e da composición química por mor da calor e que o fai máis dixerible. Ao mesmo tempo desenvolve novos aromas e provoca unha diminución máis ou menos intensa do contido microbiano. Na tradición popular recóllense os seguintes refráns: “A quen coce e amasa non lle furtes a masa. Coza quen quixer, e amase quen souber. Deixa cocer o que non has comer. Duro de cocer e peor de roer. En cada casa cocen fabas, e na miña caldeiradas. O que coce e amasa, ben sabe as que pasa”.

   Ex: Hai que cocer o leite durante máis de dez minutos para que se poida consumir con tranquilidade.

   Confrontacións: ferver, ferver.
2. v t

   Someter á acción do lume un alimento ou calquera outro obxecto de cerámica, porcelana, xeso ou arxila para que adquiran determinadas propiedades. Ex: Estiveron a cocer barro para pintalo despois. Coceu pan de millo para toda a semana.

   Ex: Estiveron a cocer barro para pintalo despois. Coceu pan de millo para toda a semana.

3. v t

   Dixerir algo no estómago. Ex: Tanto touciño non cho coce o estómago.

   Ex: Tanto touciño non cho coce o estómago.

4. v t

   Sentir malestar debido á calor excesiva. Ex: Os zapatos cerrados cocéronme os pés.

   Ex: Os zapatos cerrados cocéronme os pés.

5. v i

   Sufrir un líquido unha fermentación.

   Ex: O viño coceu durante uns meses.

   Sinónimos: fermentar.
6. v pron

   Sufrir unha calor intensa. Ex: Cocémonos de calor no coche do teu pai.

   Ex: Cocémonos de calor no coche do teu pai.

7. v i e pron

   Prepararse un alimento. Ex: O polbo non coceu nada ben. Xa se coceu a sopa?

   Ex: O polbo non coceu nada ben. Xa se coceu a sopa?

8. v i e pron

   Someterse á acción do lume un alimento ou un obxecto. Ex: A rosca coceu pouco porque o forno estaba frío. Onte cocéronse dúas fornadas de tarros.

   Ex: A rosca coceu pouco porque o forno estaba frío. Onte cocéronse dúas fornadas de tarros.

Refráns

• Coza quen quixer e amase quen souber.
• Duro de cocer e peor de roer.
• O cocido ben cocido e o asado mal asado.
• Ó enfornar tórcese, ás veces, o pan.
• Verza ¿por que non coceches? -Porque non me remexeches / porque antes non me meteches.