coclearia

Planta do xénero Cochlearia de ata 35 cm de altura, da familia das brasicáceas, de follas ovadas e carnosas, pecioladas as basais, con flores brancas e froitos en silicuas de ata 7 mm. En medios húmidos do litoral galego están as especies C. aestuaria, tamén coñecida como herba das culleres, e C. danica. A especie C. officinalis ten propiedades diuréticas, estomacais e, sobre todo, antiescorbúticas.