cegar

1. v t

   1. Privar a alguén da vista de forma permanente.

      Ex: Ulises cegou a Polifemo tirándolle unha pedra no ollo.

   2. Deixar a alguén sen vista momentaneamente.

      Ex: Cegábanme as luces dos coches e non vin o sinal de prohibición.

      Sinónimos: encandear.
2. v t

   1. Obstruír ou tapar unha abertura, un burato ou unha condución.

      Ex: Cegamos a ventá da rúa para evitar ruídos e fumes.

      Sinónimos: atoar, tapar.

   2. Pechar ou obstruír un camiño, unha vía ou un porto.

      Ex: Os sedimentos do río cegaron a entrada do porto.

      Sinónimos: atoar, tapar.
3. v t

   Quitar a alguén a capacidade de entender ou razoar.

   Ex: O amor por aquela muller cegouno.

   Sinónimos: obcecar, ofuscar.
4. v t

   Tirar o gume dun instrumento cortante.

   Ex: O pan cega os coitelos, córtao mellor coa man.

   Sinónimos: gafar.
5. v t e pron

   Producir unha forte impresión.

   Ex: Cegouse co luxo do palacio. Cegoume tanto a tenrura da súa mirada que non fun quen de reaccionar.

6. v i

   Perder a vista.

   Ex: As dúas irmás cegaron pola diabete.

7. v i e pron

   1. Quedar obstruído ou tapado un oco ou un conduto.

      Ex: A entrada cegou con tanta vexetación.

   2. Quedar pechada ou obstruída unha vía, unha canle ou un porto.

      Ex: No inverno moitos carreiros cegan coa neve.

8. v i e pron

   Perder a capacidade de razoar ou comprender.

   Ex: Cando bebe, cégase e non coñece a ninguén.

   Sinónimos: obcecar, ofuscar.
9. v pron

   Perder ou debilitarse o gume un instrumento cortante.

   Ex: Ó cortar o papel céganse as tesouras.

Frases feitas

• Así eu cegue!/Que cegue! Expresión empregada cando se afirma algunha cousa de xeito contundente.

Formas incorrectas