comer

1. v t

   1. Tomar alimento pola boca facéndoo pasar ata o estómago, xeralmente despois de mastigalo (

      Ex: De novos comían peixe e caldo todos os días). OBS: Nalgunhas construcións omítese o complemento e adquire valor absoluto (Ex: Come e bebe ata fartar, que a vida son dous días).

   2. Inxerir alimentos sólidos.

      Ex: Non come carne nin peixe. OBS: Nalgunhas construcións omítese o complemento, e adquire valor absoluto (Ex: Non pode comer durante uns días porque ten mal o estómago).

2. v t

   Tomar a comida do mediodía. (

   Ex: Hoxe comemos caldo). OBS: Nalgunhas construcións omítese o complemento, e adquire valor absoluto (Ex: Nesta casa cómese sempre á mesma hora).

3. v t

   1. Destruír algo un axente físico ou químico.

      Ex: O salitre foille comendo o verniz á madeira do barco.

   2. Provocar un axente físico unha merma de cor en algo.

      Ex: Os deterxentes baratos cómenlle as cores á roupa.

4. v t

   Consumir física ou moralmente algo malo a unha persoa.

   Ex: A bebida foino comendo ata quedar nos ósos. Ó ver que lle tocara a lotería, comíao a envexa.

5. v t

   Capturar unha ficha ou unha peza dalgún contrincante en xogos como o parchís, o xadrez ou as damas.

   Ex: Agora cómoche esta ficha e conto vinte.

6. v t

   Omitir involuntariamente letras, sílabas ou palabras ao falar ou ao escribir.

7. v t

   Malgastar algo.

   Ex: Comeulle os cartos en dous días.

8. v t

   Apropiarse do que é doutra persoa, normalmente mediante enganos.

   Ex: Comeulle a herdanza e despois levouno ó asilo.

9. v t

   Picar un insecto reiteradamente.

   Ex: Comíano as pulgas.

10. v i

    Producir sensación de proído.

    Ex: Esta crema para o sol come un pouco na pel, pero alivia axiña.

    Sinónimos: picar, proer.

Frases feitas

• Comer a pan sabido. Vivir a expensas doutro.

• Comer a tripa chea/ás bocas cheas/como lobos/como mulos/como limas (xordas)/ como un bazuncho/como un burro/ como un crego/como un descosido. Comer moito.

• 2 Ser moi cómodo ou non tomar molestias por nada.

• Comer a un. Insultar a alguén ou tratalo mal.

• Comer ben/mal o peixe. Picar o peixe con facilidade no anzol ou non facelo.

• Comer como un budaque. Comer moito sen conseguir fartar.

• Comer como un paxariño/pito. Comer pouco.

• Comer cos ollos. Fitar intensamente durante moito tempo.

• Comer da ola grande. Vivir á conta doutra persoa ou do aforrado sen facer nada por obter ingresos.

• Comer de moca/da ola/do pote grande/a pan sabido. Alimentarse á conta doutra persoa.

• Comer lume. Estar incomodado.

• Comer máis cos ollos que coa boca. Antollárselle a alguén un alimento polo seu aspecto atractivo.

• Comer no mesmo prato. Ter moita confianza ou intimidade dúas ou máis persoas.

• Comer o mar. Enriquecerse.

• Comer o pan coa codia. Fortalecerse tras padecer unha doenza.

• Comer os dedos por unha cousa. Devecer por esa cousa.

• Comer os demos a alguén. Ter moita rabia.

• Comer polos ollos. Actuar segundo a aparencia da comida e non polo gusto ou a fame propia.

• Comer quente. Non ter apuros económicos.

• Comer sardiña e arrotar pescada/polo e arrotar galiña. Aplícase á persoa que quere aparentar o que non ten.

• Comer terra/o demo. Morrer.

• Comer

• Comerlle a boroa a alguén. Enganalo.

• Comerlle a cana dos ollos a alguén. Descubrir a súa parte máis íntima.

• Comerlle a porca os libros a alguén. Aplícase ao que é mal estudiante.

• Comerlle a suor a alguén. Escravizar ou aproveitarse dunha persoa.

• Comerlle as papas. Aplícase a unha persoa que máis alta ca outra.

• Comerlle os androllos a alguén. Acabar con todo o que tiña.

• Comerlle os ollos a alguén. Abusar dunha persoa ata deixala sen nada.

• en mesa de frade/como

• frade/a pedir de boca/a fartar/raído. Comer ben e moito.

• Non comer por non cagar. 1 Ser moi avarento.

• un

Refráns

• A panza chea mellor se aconsella.
• Barriga quente é pe dormente.
• Ben come e bebe, quen ben traballa.
• Ben sabe o bocado, cando non custa caro.
• Bras, lávate e comerás; despois de lavado non comerás bocado.
• Cada un come do que pode / do que ten.
• Cagar e comer despacio ten que ser.
• Cal traballes, comerás.
• Can merendeiro garda mal o palleiro.
• Come ben e non mires á conta de quen.
• Come e folga e terás vida boa.
• Come máis e cearás menos.
• Comede e non xemades; e, se xemedes, non comades.
• Comendo, folgando; e comendo, traballando.
• Comer a gusto e vestir ao uso.
• Comer ben e traballar mellor.
• Comer ben sempre, non cansa nin aborrece.
• Comer e beber botan a casa a perder; durmir e folgar pódena esborrallar.
• Comer e beber e pete á porta quen despois viñer/ quen quixer.
• Comer e beber todos o saben facer.
• Comer para ben vivir e vivir para ben comer.
• Comer, como amigos; e preitear como inimigos.
• Comer, segundo houber.
• Como come a besta, día a besta.
• Como son do campo, boas cuneas de caldo zampo.
• Entranto digo ou fago, perdo bocado.
• Iso para min aforro: o que bebo e o que como.
• Máis vale engulir que cuspir.
• Mal masticado e ben remollado.
• Mellar é pouco engulir, que moito cuspir.
• Moito come o tolo, e máis tolo é quen llo dá.
• Moitos pitos moito comen.
• Nin o teu pan en bolas nin o teu viña en sopas.
• No setembro come e vende, mais non sexa tanto o vender, que non deixes qué comer.
• O abade de aldea, se ben xanta, mellor cea.
• O larpeiro come o que non ten; e o que non ten, déixao.
• O primeiro é comer e o derradeiro é facer.
• O que ben come e ben bebe, ben sabe o que saber debe.
• O que come a miña veciña non aproveita á miña barriga.
• O que máis come, menos come.
• O que se come, non se lace.
• Os máis fieis paren tes son os dentes e os máis leais son os queixais.
• Pide o goloso para o cobizoso.
• Pouco me gusta o biscoito, cando non é moito.
• Quen ben come e ben bebe, fai o que debe.
• Quen come cedo, cría carne e sebo; quen come tarde, nin sebo nin carne.
• Se comes ben, pouco cearás.
• Troita, de hoxe; pan, de ante; carne, de antronte.
• Un bocado por ningún diñe ira é caro.
• Vale máis comer ou comichar, que non comer e cobizar.
• Vale máis unha chea que cen lambuscos.
• ¡Comamos e xoldeemos, que ¡so máis gañaremos!
• ¡Fártate, comellón, con este bocado!