Comesaña

Apelido de orixe toponímica composto polo verbo comer e o substantivo saña. O primeiro destes termos remite ao lat comedĕre, mentres que a orixe da segunda voz pode explicarse a partir de tres étimos latinos diferentes: insania ‘loucura’, sanies ‘podre, pus’ ou sanna ‘furor’. En todo caso, a procedencia última deste antropotopónimo debe de estar no alcume dun antigo posesor que se caracterizaba por ter un carácter rancio. Documéntase no s XVIII: “Joseph de Comesaña” (doc ano 1753 en Tuy 1753 según las Respuestas Generales del Catastro de Ensenada, p 93; “Salvador de Comesaña” (doc ano 1753 en Tuy 1753 según las Respuestas Generales del Catastro de Ensenada, p 98).