confusión

1. s f

   Acción e efecto de confundir ou confundirse.

   Ex: En ningún momento negou a súa confusión.

   Sinónimos: engano, equivocación.
2. s f

   Estado dunha acumulación de cousas mesturadas de maneira que non se poden distinguir unhas das outras, postas todas xuntas de calquera maneira.

   Ex: Perdeuse entre a confusión de xente. Non consigo estruturar a confusión de ideas do texto.

   Confrontacións: cotarro, galimatías.
3. 1. s f

      Falta de claridade, de orde, nas operacións do espírito.

   2. confusión mental [PAT]

      Alteración global das funcións psíquicas, xeralmente temporal e debida a unha intoxicación, a unha enfermidade infecciosa ou a un choque traumático ou emocional. Caracterízase por unha insaturación rápida e un descenso máis ou menos marcado do nivel de consciencia, con desorientación espacio-temporal e trastornos da percepción. Evoluciona lentamente cara á normalidade se se suprime a causa e se realiza un tratamento axeitado.

4. s f

   Erro consistente en tomar unha persoa ou unha cousa por outra por non distinguir as diferencias.

   Sinónimos: engano, equivocación.
5. s f

   Desbaratamento ou desfeita que se produce nun determinado momento.

   Ex: O país entrou nunha fase de confusión política.

6. s f

   Desconcerto do espírito ou turbación pola que se manifesta a vergonza e o pudor.

   Ex: O seu cambio de actitude causoume unha gran confusión.

   Sinónimos: desconcerto.
7. s f [DER]

   Reunión nunha mesma persoa das calidades de acredor e debedor. Ten como efecto xurídico a extinción da obriga.

Refráns

• De noite tódolos gatos son pardos.
• No río avolto cóllense os peixes.