² coral

Composición musical de carácter relixioso destinada a ser cantada en coro. Usárona sobre todo as igrexas reformadas alemanas nos seus oficios litúrxicos para promover a miúdo a participación dos fieis, por iso tamén recibe o nome de coral luterana. Lutero contribuíu á difusión da música polifónica na súa Igrexa e promoveu, asesorado por poetas e compositores como Johann Walter (1496-1570), a adaptación de fragmentos da Biblia, de textos latinos e salmos ás melodías profanas populares que o pobo coñecía. Seguindo a tradición polifónica alemana, harmonizáronse a catro voces coa melodía confiada á soprano. Destaca o denominado Coral de Lutero, composto por Johann Walter e numerosas coleccións recompiladas, entre outros compositores, por Johannes Eccard (1553-1611) e Sethus Calvisius (1556-1615). Moitos compositores alemáns, en especial J. S. Bach, quen elevou o coral á súa máxima perfección, introduciron corais nas súas obras de dimensións maiores.

Cantata que consiste na musicación dun texto coral ou nunha paráfrase parcial do mesmo. Destacan as de J. S. Bach.

Peza de carácter sacro baseada nun coral. Entre os seus cultivadores destacan, entre outros, Praetorius, Schein e Scheidt.

Peza para órgano de maior extensión baseada nun coral.

Fuga para órgano baseada nunha melodía coral.

Composición para órgano que ten por base a melodía dun coral ou que a emprega como suxeito de variacións, concibida como unha introdución ao canto litúrxico. Cultivárona, entre outros, Buxtehude, Bach, Brahms e Reger.