corgo

(< lat corrŭgu ‘canle deauga’)

s m
Poza que se forma de maneira natural ou artificial na canle dos ríos para introducir os feixes de liño que, somerxidos na auga e con pedras enriba, serán empregados máis tarde no proceso de elaboración do tecido.

Ex: Neste tempo os corgos están cheos de liño.
Sinónimos: córrago.
s m
Burato que se forma nunha rocha ou depresión dun terreo, que se enche de auga cando chove.

Ex: A chuvía encheu os corgos das pedras.
Sinónimos: corga, córrago.
s m
1. Poza na que se recolle e garda a auga para regar.
  
  Ex: Este ano os veciños construíron un corgo de cemento para que beban os animais.
  Sinónimos: córrago.
2. Rego que transporta esa auga.
  
  Ex: Limparon o corgo para poder regar o millo.
  Sinónimos: córrago.
s m
Terreo que está encharcado.

Ex: Mollei os pés no corgo.
Sinónimos: córrago.
s m
Canle pola que baixa unha corrente de auga.

Ex: Os corgos están atuídos e non baixa ben a auga da chuvia.
Sinónimos: corga, córrago.
s m
Camiño estreito e fondo que se estende por terreo irregular e entre valados altos.

Ex: Houbo que esperar na cima do corgo a que pasase o carro do veciño.
Sinónimos: canella, congostra, corga, córrago, corredoira.

Palabras veciñas