corrasión

Acción erosiva exercida por partículas areosas e pequenos fragmentos de rocha que transporta o vento nas áreas onde teñen lugar fenómenos de deflación. Ao chocar contra as rochas núas fan un lento traballo de abrasión, particularmente intenso ao nivel do chan, onde a concentración de area transportada é máxima; deste xeito, orixinan formas peculiares como relevos residuais ou rochas en forma de fungo e covas nas masas rochosas de consistencia desigual. Nos solos arxilosos dalgúns desertos forma típicos relevos con arestas inestables.