coxeración

Produción conxunta de electricidade (ou enerxía mecánica) e enerxía calorífica útil. Cando a coxeración se emprega en industrias non produtoras de enerxía, senón usuarias, fálase de autoxeración. Os chamados sistemas de enerxía total son sistemas de coxeración que producen para si mesmos todas as enerxías necesarias. Os sistemas de coxeración parten sempre dunha enerxía exterior, que provén xeralmente dun combustible, e transfórmana en diferentes enerxías necesarias.