1 croque

(

s m
1. Golpe leve dado ou recibido na cabeza.
  
  Ex: Ó saír do coche levei un croque contra a porta.
  Sinónimos: pote, truque.
2. Avultamento ou inchazón que se forma na cabeza como consecuencia dun golpe.
  
  Ex: Vaia croque que che saíu na testa!
  Sinónimos: corno, pote.
s m
1. Golpe producido por un encontrón.
  
  Ex: Non puxen o freo de man e levei un croque contra o valado.
2. Deformación na superficie dalgunha cousa producida por un choque ou un golpe.
  
  Ex: O coche ten un croque na defensa porque antonte choquei contra unha árbore. Non compensa arranxar o croque que sufriu o catamarán ó chocar contra o embarcadoiro.
  Sinónimos: cocadura, crocadura.
Santo dos Croques
Denominación popular que recibiu unha estatua que representa o mestre Mateo, a quen se lle atribúe a súa autoría, axeonllado e en actitude orante, situada no pé do parteluz central do Pórtico da Gloria da catedral de Santiago de Compostela, mirando cara ao altar maior. É costume que os fieis que acoden en peregrinación batan coa testa tres veces nela, pois existe a superstición de que, dese xeito, se pode adquirir a sabedoría do mestre.

Palabras veciñas