cuartear

1. v t

   Dividir en cuartos, especialmente un animal.

   Ex: Para o outro día da mata cuartearon o porco. O carniceiro cuarteou o polo para vendelo.

2. v t

   1. Dividir unha cousa en partes.

      Ex: Cuarteou o pan e o queixo e puxéronse a merendar.

   2. Dividir unha casa.

      Ex: O piso que comprou aínda non llo cuartearon.

   3. [HERÁLD]

      Realizar as divisións dun escudo en cuarteis.

3. v t

   Facer regos nun campo para distribuír a auga.

   Ex: Foi cuartear o prado da Regueiriña para que agromase antes.

4. v t [DER]

   Aplicar, nos arrendamentos, unha cuarta parte máis sobre o primeiro axuste.

5. v t [MAR]

   Cantar ou dicir en voz alta, ordenadamente, as diversas cuartas da rosa náutica e a súa equivalencia en graos e minutos ou décimas de graos.

6. v i

   Formarse gretas en algo.

   Ex: A terra cuarteou coa seca.

   Sinónimos: gretar, lañar, regañar.

Frases feitas

• Cuartear a Lúa. Cambiar de fase.

• Cuartear o Sol. Comezar unha nova estación.