cuartel

1. 1. s m

      Lugar onde se aloxa a tropa. Esta denominación xurdiu en Francia no s XVII e en España creáronse durante o reinado de Filipe V.

      Ex: As tropas invasoras atacaron o cuartel á noitiña.

   2. s m

      Cada un dos diferentes lugares en que se distribúe un exército en campaña ou de manobras.

      Ex: Houbo unha importante xuntanza no cuartel de mandos.

   3. cuartel de inverno

      Lugar onde se retiraban as tropas a pasar o inverno.

   4. cuartel xeral

      Lugar onde se establece o xefe dunha grande unidade co seu estado maior.

2. s m [HERÁLD]

   1. Cada un dos catro compartimentos que resultan de dividir o campo con dúas partes ou liñas que se entrecruzan.

   2. Cada un dos compartimentos que resultan de dividir o campo con dúas ou máis liñas.

3. s m [HIST]

   Cada un dos barrios ou distritos en que se dividía unha cidade no Antigo Réxime.

4. s m [XEOG]

   Barrio ou distrito urbano en que se divide unha poboación.

5. s m [MAR]

   Tampa de madeira ou metálica dun zapón.

6. s [DER]

   Quen ten que pagar unha cuarta parte máis da renda estipulada nun contrato de arrendamento.

Frases feitas

• Guerra sen cuartel. Loita na que o vencedor non quere ningún trato co vencido.

• Dar cuartel. Ofrecerlles bo trato aos vencidos cando estes entregan as armas.