delicado -da
(< lat delicātu)
-
adx
-
Que se deteriora ou dana facilmente.
Ex: Ten coidado con esa copa porque é moi delicada. Non se pode lavar este xersei con auga quente, xa que é delicado.
Sinónimos: fráxil, feble. -
Que carece de fortaleza física e sofre doenzas con moita facilidade. Na tradición oral recóllense ditos como: “O delicado, pouco mal pero ben laiado”.
Ex: Os días anteriores a morrer xa estaba moi delicado. Pasaba a vida nos médicos, foi delicado desde que naceu.
Sinónimos: feble. -
Sensible ante calquera molestia, especialmente as físicas.
Ex: É moi delicada e non sei se aguantará uha viaxe tan longa. OBS: Frecuentemente se usa con sentido pexorativo. Ex: Éche moi delicado para manchar as mans.
-
Que é propenso a resentirse co trato falto de delicadeza dos demais.
Ex: Debemos medir as palabras porque Ana é moi delicada.
Sinónimos: sensible.
-
-
adx
-
Que é agradable, belo e suave.
Ex: Esa escultura presenta uns trazos ben delicados. Ten os trazos da cara moi delicados.
-
Que sobresae pola súa fineza, calidade ou perfección.
Ex: Serviron pratos delicados e viños excelentes.
-
-
adx
Aplícase ao asunto que hai que executar ou tratar con gran coidado ou con habilidade pola súa complexidade.
Ex: É moi delicado dicirlles ós enfermos que teñen cancro. É unha cuestión delicada. A intervención que lle van practicar é delicada.
Sinónimos: espiñento. -
adx
-
Que manifesta bo gusto e sensibilidade.
Ex: Só unha persoa delicada pode apreciar estes poemas.
Sinónimos: sensible. -
Que mostra amabilidade, cortesía e discreción na súa forma de actuar e falar para non prexudicar as demais persoas.
Ex: É moi delicado no seu trato con todos.
-
-
adx
m
[ALIM]
Aplícase aos viños pouco rotundos pero agradables.