Desarrollo Agrícola

Revista bilingüe aparecida o 15 de xaneiro de 1985 en Santiago de Compostela. Dirixida por Pablo Viz Otero e coordinada por Carlos Burgos, contaba coa colaboración de M. Callejas Grandío, M. Barrera Herrero e Pilar Arias de la Vega. Recolle nas súas páxinas aspectos relacionados coa gandería, os cultivos, as masas forestais, as novidades técnicas e de maquinaria xunto con entrevistas e artigos de carácter político.